Presenta unha proposta de resolución para debate no pleno.

Fernando Branco, responsábel do sector de Enerxía da CIG-Industria, será o encargado de defender esta terza feira no Parlamento galego unha ILP para a recuperación polo sector público das concesións das explotacións hidroeléctricas en todo o país. A ILP ten o apoio de máis de 13.000 sinaturas, presentadas en xullo pasado despois dunha intensa campaña que comezara hai un ano. Ademais, a iniciativa da CIG xa tivo eco no propio Parlamento con propostas do BNG e de En Marea, a última, a semana pasada. 

A formación de Luís Villares promove unha xornada de reflexión no Parlamento de Galiza para afondar na necesidade de ampliar dereitos fundamentais que melloren a calidade de vida da cidadanía. O debate, aberto á cidadanía e a todos os grupos políticos, terá lugar esta sexta feita, día 18. Estará moderado polo voceiro de En Marea e contará coa participación de Ascensión Cambrón, presidenta da Asociación polo Dereito a Morrer Dignamente, Xosé Lois Vilar, veciño de Ramón Sampedro e activista, e a médica do Servizo Galego de Saúde, Isabel Blanco.

A plataforma social en defensa dos dereitos nacionais de Galiza, Vía Galega, presentou esta segunda feira en Compostela a campaña Non emigramos, expúlsannos que pretende “servir de revulsivo” para que a sociedade galega “recoñeza o problema da emigración” e reclame solucións aos poderes públicos.

O anteproxecto da Lei garantía do abastecemento en episodios de seca e en situación de risco sanitario continuará o seu trámite tras superar o debate no Pleno do Parlamento desta terza feira. Os consorcios locais terán tres anos para reducir as perdas de auga a 20% dous para elaborar plans que fagan fronte á seca. A oposición acusa a Xunta de “botar balóns fora”.

Poñer “freo ao devalo da actividade industrial na Galiza” e “a aposta polo I+D+i” conforman o núcleo das 40 propostas de resolución do Grupo Común da Esquerda, que tamén inclúen unha “nova estratexia para o emprego”. Presentounas esta quinta feira a portavoz Luca Chao e debateranse o 27 de setembro na segunda sesión do Debate sobre o Estado da Nación.

O Debate do Estado da Nación será este mes, setembro. Así o anunciou este sábado a Vicepresidencia da Xunta, quen rexistrou a petición no Parlamento galego para o pleno extraordinario co único punto da comparecencia de Alberto Núñez Feixoo para “informar e debater respecto da situación política” da Galiza.

A estrea de Gonzalo Caballero como líder socialista na sesión de control ao Presidente da Xunta remata coa ilusión de que, a un ano das galegas, existe unha alternativa ben cimentada ao goberno popular. Feixoo avanzou as liñas de ataque que despregará durante o último curso da lexislatura contra esa coalición necesaria da oposición.

O Parlamento comezou o penúltimo período de sesións da lexislatura con Gonzalo Caballero asumindo o liderado dos socialistas, sentado á dereita de Leiceaga, o ex candidato e o futuro candidato á presidencia da Xunta da man e a espera do cara a cara con Feixoo desta cuarta feira; comezou tamén coa estrea dun novo deputado no grupo agora chamado Común da Esquerda; e co PP facendo valer a súa maioría para desbotar as iniciativas da oposición. Todo dentro da normalidade. 

Facer un estudo entre a poboación de risco, continuado no tempo, estabelecendo as analíticas nos períodos de aplicación e nos de descanso para contrastar é a primeira medida a implementar nun futuro Plan galego e control, uso e diminución dos produtos fitosanitarios, que o deputado nacionalista Xosé Luís Rivas defendeu na comisión de Agricultura. 

O nomeamento da nova Valedora do Pobo, Dolores Fernández Galiño, abre unha fenda na oposición. En Marea, BNG e villaristas criticaron esta sexta feira o que consideran un pacto bipartidista para designar a sucesora de Milagros Otero, quen se viu obrigada a demitir ao ser salpicada por un escándalo de nepotismo. O pleno para a designación de Fernández Galiño terá lugar a próxima cuarta feira.

 

Ao PP non lle preocupa a suba sostida dos prezos dos alugueres na Galiza. Ou polo menos iso é que se deduce do debate e a súa postura parlamentaria en contra de limitalos, expresada en pleno esta cuarta feira 7 de xullo na votación dunha iniciativa presentada polo grupo parlamentario de En Marea.

No último pleno do Parlamento de Galiza o pasado 25 de xuño, a Xunta presentou a debate unha nova lei de Patrimonio Natural. O seu articulado inclúe os requisitos para a declaración de parque natural. Segundo ese texto, só un dos seis existentes na actualidade podería obter a declaración.

Os conservadores que non conservan nada. Así definiu o deputado nacionalista Luís Bará o Partido Popular no debate parlamentario sobre a proposta de Lei de Patrimonio Natural presentada pola dereita. “O Goberno de Feixoo non ten estratexia de protección do patrimonio natural e da biodiversidade”, afirmou Bará, “o que se plasma nunha proposta mala, cutre e sen ambición”.

Unha portavocía "compartida" é a perspectiva máis probábel que se abre perante o grupo que, xa sen a formación de Villares no seu seo, partillarán no Parlamento galego Podemos, Esquerda Unida e Anova. A nova escadra no Pazo do Hórreo non se estreará no pleno desta semana, ao non se ter consumado aínda a constitución do grupo mixto.

“Son varias as sentenzas do Tribunal Superior que testemuñan que o Sergas é un explotador”, afirmou no pleno parlamentario desta cuarta feira o deputado socialista Julio Torrado, quen comparou a dirección da sanidade pública galega con empresas como Glovo ou Deliveroo.

O debate dunha proposición de lei do BNG para que o galego se convertese en “lingua vehicular no ensino” derivou nunha emenda á totalidade da política lingüística dos sucesivos gobernos de Núñez Feixoo. O seu partido, o PP, tumbou a iniciativa dos nacionalistas, que partía da reforma da Lei de Normalización Lingüística de 1983.

A década de gobernos de Feixoo no referido á política industrial é, para o BNG, unha década perdida. Resumiuna esta segunda feira a súa portavoz nacional, Ana Pontón: 22.500 empregos menos, incremento da precariedade e unha caída na produción que, en 2018, foi a maior de todo o Estado.

Último pleno antes do Día das Letras Galegas e Núñez Feixoo volveu falar de “imposición” para se referir ao galego. Fíxoo en resposta á pregunta do BNG na sesión de control, en que a súa portavoz, Ana Pontón, resumiu dez anos de política lingüística do Partido Popular: “Vostede foi o presidente que máis atacou a lingua propia”.
 

Nin o peor resultado histórico do PP en Galiza fixo recuar o partido de Núñez Feixoo no Parlamento: os seus 38 deputados e deputados, presidente da Xunta incluído, votaron esta segunda feira por manter a valedora do pobo Milagros Otero no seu posto, malia a sentenza do Supremo que a implica en trato de favor á sobriña de Fraga Iribarne.