Pedro Sánchez

As dúbidas sobre os tempos, a xestión e a contía dos fondos recollidos no denominado Plan de recuperación continúan. A xuntanza de Pedro Sánchez e a presidenta da Comisión Europa, Ursula von der Leyen, cos mandatarios autonómicos adiantou algunhas liñas, mais non serviu para clarificar as cuestións chaves do programa.

Haberá restricións á mobilidade, confinamentos entre as 23 horas e as seis da madrugada e limitaranse as reunións a un máximo de seis persoas.

De grave. Así cualificou a situación que vive o Estado español a respecto da pandemia provocada polo novo coronavirus. Nunha declaración institucional na que non anunciou ningunha restrición nova, o presidente do Executivo estatal volveu pedir “unidade”.

Santiago Abascal utiliza a moción de censura para axitar odio e españolismo e gañar pulso ao PP.

A celebrada 'solidariedade da Unión Europea' após o acordo alcanzado en xullo en que se aprobou un fondo de 750.000 millóns para a reconstrución tiña truco. E é que o Estado español, ao igual que outros, xa descarta pedir os 140.000 millóns que lle corresponderían, e conformarase, polo de agora, coa metade por medo á débeda. 

O presidente do Goberno español convida Pablo Casado a sentar e negociar a renovación do Poder Xudicial, que o PP leva bloqueando dous anos, se quere parar a reforma do Poder Xudicial presentada polo PSOE e Unidas Podemos. 

O vicepresidente segundo do Goberno do Estado español está convencido de que as acusacións non sairán adiante. No entanto, o PP xa anunciou que preguntará pola súa destitución na sesión de control ao Executivo prevista para a semana próxima. De momento, Sánchez confirmou que Iglesias ten a súa "confianza".

O presidente do Goberno estatal, Pedro Sánchez, presentou o Plan de recuperación, transformación e resiliencia da economía española'co que compromete a mobilización de 72.000 millóns de euros dos fondos europeos nos próximos tres anos, un investimento co que persegue crear 800.000 empregos. 

A expresidenta da Comunidade de Madrid sae en defensa do traballo de Isabel Díaz Ayuso á fronte do Executivo autonómico e asegura que o Goberno do Estado español “ten enfilados” ás e aos madrileños.

O presidente do Goberno do Estado español advirte de que a situación na que se atopa a Comunidade, en cuxas saídas producíronse grandes atascos esta tarde, é de “extraordinaria gravidade”.

Entre 24 bandeiras de España e Madrid escenificaron a unidade contra o virus o presidente estatal, Pedro Sánchez, e a madrileña, Díaz Ayuso. Porén, as medidas anunciadas pola Comunidade non contemplan o feche da capital, "sería a morte de Madrid", dixo Ayuso. Sánchez, mentres, repousa no Executivo madrileño a xestión da crise. 

A Televisión da Galiza (TVG) compartiu nas súas redes sociais unha información co titular: "O cambio de protocolo do Goberno central obriga a retrasar o inicio do ensino secundario". Enseguida usuarias e usuarios destas plataformas acusaron á CRTVG de manipulación. O propio conselleiro de Educación obvia as presións que recibiron dos institutos e bótalle a culpa ao equipo de Pedro Sánchez.

O vicepresidente Pablo Iglesias foi un dos representantes do Goberno do Estado que falaron desa posibilidade, nos casos de nenas e nenos con PCR negativa pero que teñan que permenecer nas casas, a semana pasada. Pedro Sánchez remítese á negociación cos axentes sociais.

O presidente do Goberno do Estado entende que, malia que as competencias dependen de cada comunidade ou nazón, pode darse unha mellor coordinación analizando os casos en conxunto. Desta maneira poderíase controlar mellor a expansión dos contaxios. Feixoo demanda un acordo "explícito" para saber como actuar.

O presidente do Goberno do Estado segue a manter negociacións para lograr o apoio aos orzamentos de 2021. Ademais, confirmou a resistencia do PP a pactar e a boa dispoñibilidade de Ciudadanos.

Setembro será un mes chave para a elaboración da proposta de orzamentos. O presidente español prepara reunións ao longo da semana cos responsábeis das principais forzas da oposición e o Executivo continúa mirando a dereita económica e política para sacar adiante unhas contas condicionadas por Bruxelas.