pintura

Menchu Lamas posúe unha longa traxectoria artística que se remonta á década de 1970, na que participou –moitas veces como única muller do grupo– en varias iniciativas pioneiras nas artes plásticas galegas. Hoxe é un referente indiscutíbel que contribuíu de maneira decisiva a colocar a creación galega no mapa internacional. A publicación de nós outras, un libro realizado con Marica Campo, concibido para crear estratexias contra a marxinación e o acoso escolar, e editado por Chan da Pólvora, dános a ocasión para repasar algúns dos elementos chave da súa obra.

Pintor, ilustrador, escultor, cartelista debuxante e elixido por segunda vez presidente da Real Academia Galega de Belas Artes. Manuel Quintana Martelo é un dos pintores galegos máis internacionais da nosa época, con obra exposta por toda a península, os Estados Unidos de América e en varios países europeos. Traballa coa luz urbana e os recursos orgánicos, a vida coa textura na cor e no inerte industrial, nunha mestura que, defende, escapa do bodegón clásico ou a impostura. Formado en Barcelona e inspirado nos materiais da terra que pisa e as cores que transforma, recíbenos no estudio da súa vivenda ao carón de Compostela para falar de traxectoria, reformas -da casa e da obra- e unha "case obsesión" co amarelo, os limóns e os marmelos.

Onde estaba a fronteira entre a pintura e o deseño gráfico? Teño para min que naqueles anos de principios do século XX, nos que traballa Carlos Sobrino (Pontevedra, 1885 - Vigo, 1978), a raia está moi esvaída e mesmo habería que salientar que todo pintor aprende tamén a rotular e coñece as letras como parte da súa bagaxe profesional –Sobrino é desde moi novo catedrático de Debuxo e Caligrafía. 

A exposición organizada pola artista Isabel Pintado poderase visitar entre o 15 de outubro e o 6 de decembro.

'Fronte da arte', a máis recente publicación de Carlos L. Bernárdez, súmase ao ronsel dos seus estudos anteriores para pór desta volta o foco no carácter social da arte galega no contexto de entreguerras. Desde a produción máis coñecida de Castelao até a resistencia artística nos campos de internamento franceses, o autor analiza aspectos que teñen a ver coa creación dunha identidade galega de clase na produción dos renovadores da pintura durante os anos 30. 

A galería de arte compostelá inaugura hoxe unha mostra na que 20% das vendas destinarase a axudar a paliar algunhas das necesidades sociais xurdidas por mor da crise económica causada pola pandemia.

As educadoras da escola Semente de Compostela sorprenderon a cidadanía partillando imaxes dun proxecto que desenvolveron coas crianzas durante o confinamento: a recreación de obras artísticas, maioritariamente galegas. Esta iniciativa, que bebe da idea que fixo viral hai unhas semanas o Museo Getty (Los Angeles), fai parte de toda unha serie de actividades coas que a equipa docente procura realizar un "acompañamento emocional" das familias, fuxindo dos deberes e procurando afrontar a situación en comunidade.

A exposición Raras (exiliadas, periféricas e monstras) chega á rede

Inclúe 40 cadros e textos de Álvarez Cáccamo, Bernárdez e De Nieves

Mostra antolóxica no Museo de Pontevedra

Mostra en Vigo de todos os autorretratos

Ampla mostra no Marco de Vigo até o 24 de maio