A asociación Lareira de Soños dos Vilares demanda á Xunta e á Deputación de Lugo que acorden a fórmula para a restauración das pinturas murais do século XVI que alberga a igrexa de San Vicenzo dos Vilares, en Guitiriz, en risco de desaparecer polo avance do seu deterioro.
A pintura de Berta Cáccamo transitou os vieiros da abstracción. Pero unha abstracción emotiva, acolledora, talvez no esteiro da seu admirado Joan Miró. Vencellada ao grupo Atlántica que renovou a plástica galega na década dos 80 do pasado século, Berta Cáccamo morría hai agora un ano con apenas 55 de idade. O CGAC réndelle homenaxe esta sexta feira, 10 de maio.
Había na pintura de Alfonso Abelenda un algo de inocencia. Entre a ollada fauvista e o cubismo, sempre figurativo, a súa extensa carreira artística rematou a pasada semana ao non superar unha infección derivada dunha intervención quirúrxica. Nacera na Coruña en 1931.
Antes do Laxeiro gran pintor de raíz expresionista e tenebrismo popular, houbo outro: o que debuxaba cadriños humorísticos na prensa. Unha mostra na fundación ao seu nome -con sede en Vigo- repasa as súas colaboracións en El pueblo gallego e Faro de Vigo entre 1928 e 1930.
Da envergadura da figura artística e intelectual de Luís Seoane apenas hai dúbidas. Outro asunto é a súa consideración. Polo menos, así opina a editora Rosa Espiñeira Pan, de Figurandorecuerdo(s)edicions, que desde 2007 organiza agasallos a miúdo en forma de libro ao pintor exiliado. Certezas Alumeadas titúlase o último, que presentou en Carral a pasada sexta feira.
É difícil comprender a pintura galega da segunda metade do século XX sen Xulio Maside (Vigo, 1933). Médico anestesista de profesión, pintor figurativo con tendencia expresionista e pegada do cubismo, sobriño de Carlos Maside, foi ademais activista cultural de relevo. Participou, en 1961, na fundación da asociación compostelá O Galo. E nas décadas de 70 e 80, presidiu a Asociación Galega de Artistas Plásticos. Nesta conversa rexistrada no seu piso do Ensache de Santiago participan tamén a profesora e crítica María Antonia Pérez e a súa compañeira e biógrafa María Esther Rodríguez. Eis un extracto da entrevista, publicada no número 294 de Sermos Galiza.
![[Imaxe: Xurxo Lobato] Manuel Moldes](/asset/zoomcrop,480,270,center,center/media/nosdiario/images/2017/12/03/2017120313474013254.jpg)
A derradeira grande exposición do pintor Manuel Moldes (Pontevedra, 1949 – 2017) titulouse Pontevedra Suite e viuse no Museo de Pontevedra. A cidade sempre estivo no centro das súas preocucpacións e ocupacións. O material desa mostra, maiormente creado na década dos 80, conforma agora o catálogo do mesmo título co que a Deputación de Pontevedra quere ofrecer unha “homenaxe póstuma” a Moldes.
Obsesionado por Van Gogh e republicano irredutíbel, o pintor Mario Rodríguez Gómez morreu a pasada semana na súa casa obradoiro de San Campio de Lonxe, en Tomiño. Contaba 86 anos e só había tres meses que o concello recoñecera a súa achega á cultura galega cunha homenaxe durante as festas do Alivio.
Nin sequera na máis densa posguerra abandonou Isaac Díaz Pardo (1920-2012) a súa singular idea do compromiso na arte. O cadro O discurso, que -cedido pola Deputación da Coruña- pasou onte a facer parte da exposición permanente do Museo de Belas Artes da cidade, serve de proba de cargo. "Non é senón un mitin", consta no catálogo comentado do patrimonio do organismo provincial, "e é obvio que pintar un mitin na España de 1946 era un tema social".
Antón Lamazares (Lalín, 1954) inagura esta tardiña na Cidade da Cultura a mostra 'Flor Novoneyra' na que homenaxea ao que el considera o mellor poeta galego do século XX, Uxío Novoneyra. Son máis de cen pezas inéditas realizadas nos dous últimos anos nas que fusiona a súa pintura cunha selección de versos do poeta traducidos ao código persoal do pintor, o Alfabeto Delfín.
Hoxe inaugurouse no Instituto Camoes de Vigo ‘Ksal e outras historias do mar’, a primeira exposición en Galiza dun mariñeiro pintor que realizaba os seus cadros a bordo dos propios barcos pesqueiros.
“Alegre, revolucionaria, pioneira, comprometida, complexa…” son algúns dos cualificativos que lle dedica a xornalista Carme Vidal a Maruxa Mallo, a pintora surrealista á que se lle dedicará en 2017 o Día das Artes Galegas.
Trátase de tres obras da serie 'Debuxos de negros' que Castelao pintara no ano 1939 durante a súa estadía en Cuba. Ademais, inclúense pezas de Maruja Mallo, Díaz Pardo, Manuel Colmeiro e Urbano Lugrís.
Hai un ano comezaba en Carballo o proxecto de arte urbana "Derrubando muros con pintura". Un documental recolle o proceso. Preséntase ás 21.00h. no Fórum.
Clip coa coa cabeceira do documental "Derrubando muros con pintura"
A plataforma pola defensa da sanidade pública constituiu a súa sección xuvenil que arrancará os seus actos de protesta cunha xornada lúdico-reivindicativa en Compostela.
