política

As irregularidades no rescate da percebeira que traballaba nunha zona de rochas entre Baiona e Santa María de Oia poñen a Xunta de Galiza nun apuro. A deputada nacionalista Montse Prado asegura que os tempos de resposta do Pesca I eran coñecidos pola consellaría do Mar, o que a converte en "cómplice e consentidora" do acontecido e exixe responsabilidades.

CxG elixirá este domingo en Teo o seu novo Consello Político Nacional e secretario xeral, para alén de debater e marcar as liñas políticas e organizativas da organización de cara aos vindeiros anos. A poucas horas de rematar o prazo a única candidatura é a de Xoán Bascuas.

O terceiro dunha serie de editoriais en que o grupo de comunicación procura exercer presión sobre o goberno español co fin de aprobar substanciais reformas políticas, bate contra os dereitos das nacións sen estado e demanda a modificación do actual mapa competencial.

Após seis meses vetadas as Iniciativas Lexislativas Populares achegadas por SOS Sanidade Pública e a plataforma Pre-escolar na Casa, serán debatidas no primeiro Pleno da lexislatura. Así o anunciou o voceiro parlamentar do BNG, Francisco Jorquera após a Xunta de Portavoces desenvolvida esta segunda feira.

A militancia do PSOE demanda máis transparencia e participación de cara ao congreso que a formación política desenvolverá o vindeiro ano. Entrementres Rubalcaba asegura que non se celebrarán primarias, voces críticas denuncian que a formación permaneza anquilosada perante unha situación social e económica tan grave. En Galiza, un grupo de militantes auto-organízase a prol dun "novo socialismo galego".

O mozo, a quen o ministerio de Interior lle atribuíu "responsabilidades" no aparello de financiamento de Resistencia Galega, abandonou o centro penitenciario madrileño de Soto del Real após facerlle fronte a súa familia á fianza imposta polo xuíz, de 6 mil euros. Canda el a policía española prendera a S.C., que quedou en liberdade e sen cargos após dous días da operación policial

A concelleira e un funcionario da mesma área foron chamad@s a declarar no decorrer da operación Pokemon. Segundo apuntan, podería tratarse dun suposto caso de tráfico de influencias.

Alberto Núñez Feijóo aseguraba nunha entrevista concedida á Radio Galega que durante a lexislatura o seu goberno continuará coa aprobración de novos recortes á fin de cumprir co obxectivo de déficit exixido por Bruxelas e Madrid. Aliás, afirma que non dará "tregua" coa fusión de concellos e que a diminución do número de parlamentares proposta polo grupo parlamentar popular na pasada lexislatura é, neste novo curso político "un mandato das urnas".

A Delegación do goberno español en Galiza presentará un recurso xudicial, que elabora Avogacía do Estado, contra o concello pontevedrés por pagar un complemento de produtividade ao funcionariado, compensando a supresión da paga extra de Nadal.

O goberno galego decide solucionar o problema dos desafiuzamentos cun programa de vivendas que non cobre a totalidade de afectad@s de Galiza.

Na data de conmemoración da constitución española, diferentes organizacións e colectivos chaman a actos e iniciativas para evidenciaren o carácter nacional de Galiza e reclamaren os seus dereitos colectivos como pobo. O BNG organiza nas redes sociais unha "manifestación virtual" a prol da soberanía. O hashtag,  #soberaniaGZ

Alberto Núñez Feijóo anunciou esta terza feira que o congreso non só procura facer balance após as eleccións, senón que terá por obxecto trazar as novas liñas de traballo e conformar novas equipas no que asegura é "a gran forza política de Galicia". Neste sentido, Alfonso Rueda, actual secretario xeral da formación e vice-presidente da Xunta de Galiza podería converterse no sucesor de Núñez Feijóo.

A IX lexislatura ficou esta terza oficialmente iniciada após o acto solemne de apertura. O rigoroso protocolo obriga a que se desenvolvan múltiples escollas antes de que o curso político arrinque. Neste senso, a que será máis unha lexislatura presidenta da Cámara, Pilar Rojo pronunciou o discurso que cada catro anos precede á inauguración de máis un período de sesións.

O presidente da Xunta de Galiza teimou durante a campaña electoral e os discursos pronunciados durante os actos de constitución do novo executivo galego, en asegurar que as cifras de desemprego en Galiza eran "moito mellores que a media española". Os datos tirados do mes de novembro amosan que o número de persoas desempregadas en Galiza aumentou en máis de 23.000 a respecto do ano anterior.

Tan só unha cara nova entre as persoas que acompañarán a Alberto Núñez Feijóo durante esta lexislatura. Fracisco Conde, xurou esta segunda feira como conselleiro de economía dun executivo galego cargado de "caras coñecidas", como asegurou o propio presidente da Xunta.

Continuísmo. Nos rostros e nas políticas. Eis a aposta de Núñez Feijóo para a nova lexislatura. O presidente mantén o goberno de oito consellarías ocupadas polas mesmas persoas que exerceron o cargo no anterior mandato popular, agás Javier Guerra, substituído por Francisco Conde. Outra novidade: haberá vicepresidencia, e será ocupada por Alfonso Rueda, nomeamento que xa se interpreta como a designación por Feijóo do seu delfín