PP

Na segunda feira 23 de setembro disolveranse as Cortes e comezará un mes de pre-campaña na que a primeira disputa será por determinar quen tivo a culpa do fracaso dun goberno de esquerdas. "Os cidadáns dixeron ben claro en marzo e abril que querían un goberno progresista e agora terán que dicilo aínda máis claro en novembro", di Pedro Sánchez no seu primeiro discurso de pre-campaña desde Moncloa.

O líder do PPdeG saca peito ante Pablo Casado no acto de inicio do curso político dos populares en Cerdedo-Cotobade, “a suma na Galiza é o PPdeG”, e ponse como exemplo de “estabilidade”, de “liberdade lingüística” e de apoio ás familias.

Santiago Abascal na súa estadía en Oia tivo como anfitrión Augusto Lomba, tenente de alcalde do PP neste concello que os conservadores gobernan con maioría absoluta. Non foi o único líder popular do Baixo Miño que recibiu o número un de Vox. De feito, Sermos Galiza difundía esta cuarta feira 29 de agosto o selfie que o portavoz municipal do PP na Guarda realizou con Abascal.

Santiago Abascal pasou parte das súas feiras na Galiza e encargouse de difundir a súa estadía nas redes sociais. O portavoz municipal do PP na Guarda, Roberto Carrero, aproveitou a visita do líder da formación ultraespañolista Vox para realizarse fotografías con el. Atrás quedan os selfies de Carrero con Alberto Núñez Feixoo.

O proxecto España Suma impulsado por Pablo Casado non ten espazo na Galiza para Alberto Núñez Feixoo, quen reivindica as siglas do PP como mellor opción para gañar eleccións no noso país. “Na Galiza quen suma é o PPdeG” reivindicou ademais Miguel Tellado. O proxecto que Casado defende bebe da coaligación electoral de Ciudadanos, PP e UPN que baixo o nome de Navarra Suma foi primeira forza o pasado 28 de abril. 

A proposta, para saír adiante, precisa o apoio doutro grupo parlamentar para sumar as tres quintas partes de deputados e deputadas que fixa o regulamento para elixir este cargo.

A menos dunha semana para o Día da Patria Galega e a maioría das formacións políticas xa teñen perfilada a súa axenda de actos. Desde o PP anuncian que a vindeira terza feira 23 de xullo celebrarán o seu acto. Será en Lalín cunha ofrenda floral ante a escultura de Balbino, na rúa Memorias dun Neno Labrego, coa que pretenden homenaxear a Galiza rural.  

Aínda non pasou un mes desde que se produciu a investidura do alcalde de Ourense, Gonzalo Jácome, e xa se anunciou a segunda demisión no equipo de goberno da cidade das Burgas. Ana Isabel Rebanales Rodríguez, concelleira de goberno de Democracia Ourensá, presentou a súa renuncia á acta de edila e ao seu cargo no concello argumentando "discrepancias internas de organización estritamente de estratexia profesional” concretamente en relación coa concellaría que ocupaba.

Após os resultados do 26 de maio que deixaron o PP sen ningunha alcaldía nas sete cidades galegas, a formación vén de dotarse dun novo órgano denominado 'Comité de cidades' para reforzar o partido nesas zonas.

O dirixente popular pronunciou esta frase após dicirlle ao xornalista que ía responderlle cunha pregunta.

Quen fora alcalde de Baralla polo PP durante 32 anos, Manuel González Capón, faleceu tres días após renunciar ao bastón de mando por mor dunha enfermidade. Capón situou Baralla no mapa galego como bastión incombustíbel do PP mais tamén pola súas polémicas declaracións de corte racista e xustificativas dos crimes franquistas.  

A proposición de lei aprobouse porque o PP, que se abstivo, optou por non vetala. Na década de goberno Feixoo Galiza non conseguiu o traspaso de ningunha competencia.

Vox deitou luz sobre as supostas sombras ao tornar público o documento "secreto" que após o 26M asinou con Vox para viabilizar gobernos das dereitas nos concellos. Como o PP non cumpriu ese contrato, a ultradereita pasa á oposicion na capital do Estado e ameaza tamén con revisar os acordos relativos á comunidade autónoma de Madrid.