rural

En Candelago (Ponteceso) só queda un habitante, mais ao non estar censado na aldea esta figura como un dos 2.088 lugares despoboados do país. A instalación de 61 aeroxeradores ao carón das casas acabou por completar un proceso de éxodo que se viña producindo nas décadas anteriores. Hoxe a metade de Candelago está en venda por 200.000 euros, e na Galiza centos de aldeas loitan por defender o seu modo de vida fronte a unha "invasión eólica" que, sumada á falta de servizos no rural, podería obrigalas a colgar o cartel de "véndese".

A Libraría da Proencia, unha iniciativa que aposta na cultura desde o ámbito rural, dará os seus primeiros pasos nesta semana desde o corazón da Ribeira Sacra. Un proxecto cultural impulsado por Paula Vázquez Verao, desde a parroquia de Proendos, que xunta literatura, turismo, feminismo e posta en valor do rural.

A referencia á Galiza profunda que a titular do xulgado de Primeira Instancia numero 7 de Marbella incluíu nun auto de medidas previas que resolve a custodia dunha crianza menor de tres anos desatou unha corrente de indignación e orgullo que transcende a Galiza non urbana. O uso pexorativo do adxectivo, asociado ao territorio, suscitou numerosas críticas, mais tamén alentou unha intensa reivindicación do medio rural como espazo de crianza e desenvolvemento.

A institución provincial e a Federación de Asociacións de Mulleres Rurais premiaron no encontro a Silvina Muñoz Coria, Teresa Carril Otero, Manuela Vilaboy Romero e a agrupación Leilía polo seu labor a favor da artesanía, o compromiso co sector primario, a igualdade e o medio rural, así como a aportación ao mundo da cultura, a lingua e as artes

A Rede Galega Stop Eólicos alerta dos graves problemas aos que se vai enfrontar a Galiza menos urbana se continúan adiante todas as tramitacións de polígonos en marcha. “Se o plan da Xunta en connivencia con determinadas empresas enerxéticas sigue adiante, estariamos diante da vulneración flagrante de Dereitos Humanos inalienábeis das persoas individuais e das comunidades rurais”, din, ao aludir ás 275 peticións que virían a sumar muíños aos máis de 4.000 que xa están dentro da paisaxe do país.

Máis da metade das mulleres que habitan na Galiza viven no rural. Mulleres traballadoras, nais, fillas, irmás, coidadoras, emprendedoras e profesionais que loitan por derrubar o muro da invisibilidade mais tamén por borrar as dificultades de acceso á terra, vivenda ou transporte coas que baten a diario. O abandono, o illamento e os problemas de accesibilidade resumen as carencias dun territorio que reclama igualdade, recoñecemento e servizos. No Día Internacional da Muller Rural, mulleres de todas as idades e perfís urxen políticas específicas que garantan a vida e o futuro do medio rural.

O salto á fama do lugar de Candelago, na Costa da Morte, vén de lembrar a posíbeis investidoras -particulares ou grandes empresas- a existencia de numerosas localidades en venda na Galiza. As aldeas que se ofertan superan con diferencia os doutros territorios e vendelos suporía loitar contra o despoboamento.

O Concello das Neves vén de lanzar un portal inmobiliario gratuíto para favorecer a chegada de novos habitantes á comarca do Condado.

A pesar de que a pandemia da Covid-19 provocou o incremento do interese das e dos galegos por ter propiedades con espazos de lecer como as terrazas e os xardíns, a reactivación do mercado inmobiliario non chegou a todas as zonas por igual. Ao rural saíronlle simpatizantes, pero sobre todo naquelas zonas próximas ás grandes urbes para contar con todos os servizos. De feito, na Galiza hai municipios nos que non se vende ningunha vivenda desde hai tempo.

Unha conta de Twitter difunde cada día o número de vacas que hai en cada concello galego e fai o cálculo en relación ao número de habitantes que ten

A xornada 'Economía circular: oportunidades de emprego', organizada por CCOO, reuniu persoas expertas procedentes do ámbito sindical, empresa, universidade e Goberno galego para abordar os retos, mais tamén as perspectivas de futuro, que se abren co cambio de mentalidade á que obriga o actual modelo económico. Ademais de exemplos empresariais da actualidade, foron protagonistas as experiencias e os estudos relacionados co mundo rural.

O plan da Xunta de subvencionar Abanca con cartos públicos a instalación de caixeiros en localidades onde fecha oficinas contrasta coa política estatal de empregar a infraestrutura dos seus servizos públicos para loitar contra a exclusión financeira na Galiza. Correos mesmo cobrará os bancos por instalar caixeiros. 

Un estudo estima que Galiza quedou sen máis de 100 sucursais no primeiro semestre do ano. No Estado español tramitáronse 1.476 supresións.

Malia que o sector inmobiliario incide en que é o mercado do alugueiro o que máis crece nestes momentos no país, as transaccións de propiedades tamén pasan por un bo momento atendendo ás estatísticas oficiais. Só unha das sete grandes cidades galegas experimentou unha baixada con respecto ás cifras do ano pasado.

O sindicato CIG-Ensino denuncia que Educación impide que se impartan materias na ESO e Bacharelato con menos de cinco alumnos e alumnas, aínda existindo docentes con dispoñibilidade horaria.

Os principais sindicatos do rural galego sinalan a 'Nós Diario' as principais afeccións dos parques eólicos sobre os concellos. Os terreos que abrangue unha poligonal convértense en solo industrial, e as empresas poden usalos en calquera momento para os seus intereses, en detrimento do aproveitamento agrícola.