rural

Especialistas de varias nacionalidades participan os días 2 e 3 de xullo en Compostela para analizar o acordo da nova Política Agraria Común aprovada hai uns días pola UE.  

O proxecto dunha plataforma dixital para a venda e o alugueiro de inmóbeis no rural presentada pola Consellaría de Medio Ambiente, Territorio e Vivenda como solución ao abandono do rural está a levantar críticas desde as organizacións agrarias. Na Federación Rural Galega (Fruga) cren que fomentará a especulación e no Sindicato Labrego que faltan servizos.

Tres de cada dez galegas non teñen posibilidade de acceder a velocidades por riba dos 100 Mbps

O eucalipto chegou á Galiza no século XIX 
como árbore ornamental para ser plantada en alamedas e pazos. Un século máis tarde os monocultivos desta especie inzaban o país, a custa de eliminar milleiros de variedades autóctonas. Tras anos de demanda para que se limite a súa plantación, o Goberno galego optou por unha polémica moratoria, contestada por diversos grupos ecoloxistas e políticos.

2,8 millóns de euros das arcas públicas galegas irán para á banca privada para custearlle a instalación de caixeiros automáticos en concellos do rural que non contan con ningunha oficina bancaria nin caixeiro. Esta partida da Xunta chega despois de que as entidades bancarias fechasen na Galiza máis de 1.300 oficinas en 12 anos. 

A existencia dalgunhas "falsas cooperativas" non deixa de evidenciar a importancia da creación de emprego no rural por parte de organizacións agroalimentarias que funcionan a través da economía social. Agaca, a asociación que as reúne, diferencia a súa situación da que viven as ETT.  

Llerena Perozo e Andrés Duro deixaron Compostela para se instalar en Silleda coa intención de buscar outra maneira de vivir máis acorde coa natureza. Na finca A Gargalleira, en Transfontao, partiron dunha horta ecolóxica e agora crearon un 'agroespazo' no que ofercer obradoiros e eventos culturais. A súa inauguración o vindeiro 4 de xullo promete. 

Belén Gavín é psicóloga especializada na intervención educativa, psicosocial e comunitaria desde un enfoque sistémico e de xénero. Forma parte da cooperativa Arabías xunto a Tania Merelas, Beatriz López e Juanjo Lorenzo. Este mes, coa mellora da situación pandémica, reiniciarán nas localidades de Sobrado, Teixeiro e Curtis, a escola de empoderamento feminista de mulleres do rural que leva por nome EspadELA.

Lucía Rodríguez ten 21 anos e vive nas Salgueiras, lugar da parroquia de Son situada no val do río Ser, no concello de Navia de Suarna. Na súa aldea só viven ela e a súa familia, o resto de casas están abandonadas ou deshabitadas. O amor pola súa comarca fixo que iniciara, como proxecto de fin de grao en Publicidade e Relacións Públicas, a páxina de Facebook 'O Argueiro dos Ancares'. 

Diferentes entidades demandan "crear emprego e garantir a vivenda"

Asociación Galega de Viticultura preséntalle á Consellería de Medio Rural un Proxecto Estratéxico para a Recuperación e Transformación Económica do sector vitivinícola galego.

O Consello Regulador da Agricultura Ecolóxica da Galiza (Craega) presentou o seu Bárometro 2020 de consumo no que se constata, por primeira vez, unha maior importancia do seu selo no mercado.

A empresa galega Lugar da Veiga, produtora das galletas mariñeiras, aparece outro ano máis na clasificación elaborada por 'Financial Times' na que figuran as 1.000 empresas europeas cunha maior taxa de crecemento nos últimos anos. Nós Diario entrevista o seu coordinador xeral, Xosé Lois Lamazares.

Tres mulleres asentadas nos territorios de alta montaña, como son o Macizo Central, Trevinca e O Courel, decidiron crear Outonía, unha cooperativa de educación social e sustentabilidade rural. Tania Sánchez, Araceli Macías e Paula Carrera cren na potencialidade da educación e na identidade destas zonas. Traballan eidos como a ética dos coidados, a participación e o desenvolvemento comunitario, a sustentabilidade ambiental ou a igualdade e as diversidades.

A produción de enerxía eólica atópase na Galiza en máximos históricos. Segundo os datos fornecidos pola Rede Eléctrica Española, a potencia instalada atinxiu en 2020 os 3.829 megawatts (MW), sinalando a Asociación Eólica Galega (AEG) que a xeración de enerxía por esa vía situouse en 999,23 quilowatts (kW) por hora. Malia que a Galiza é o segundo produtor eólico do Estado e nesa mesma anualidade exporta 28% da electricidade xerada, as compañías enerxéticas teñen actualmente en tramitación no país máis de 10.000 MW, o que supón aumentar a potencia instalada en máis de 72%.

O lugar de Puxedo, na parroquia de San Paio de Araúxo (Lobios) é un exemplo de recuperación patrimonial. Hai dez anos veciñas e veciños iniciaron unha experiencia que a día de hoxe conseguiu restaurar o retablo barroco da súa igrexa, 16 hórreos, eiras e lagares, entre outros elementos do seu patrimonio. Pablo Rodríguez, portavoz do plan veciñal que o fixo posíbel, conta a Nós Diario como tivo lugar a transformación deste recuncho do Parque Natural Baixa Limia-Serra do Xurés.