rural

O lugar de Puxedo, na parroquia de San Paio de Araúxo (Lobios) é un exemplo de recuperación patrimonial. Hai dez anos veciñas e veciños iniciaron unha experiencia que a día de hoxe conseguiu restaurar o retablo barroco da súa igrexa, 16 hórreos, eiras e lagares, entre outros elementos do seu patrimonio. Pablo Rodríguez, portavoz do plan veciñal que o fixo posíbel, conta a Nós Diario como tivo lugar a transformación deste recuncho do Parque Natural Baixa Limia-Serra do Xurés. 

Unha nova concentración en Lugo esta terza feira protestou polo fechamento deste centro de Begonte.

O Courel ten nos seus soutos un tesouro. Concepción Arza, máis coñecida como 'Chiña', soubo sempre que dos castiñeiros procedía o máis auténtico da comarca. Na procura dun produto que definira a súa paisaxe atopou a castaña e comezou a promocionar os doces tradicionais. Cos anos engadiu outros novos, como as bolachas ou o Doce do Apalpador. Agora traballa para levar esas delicias a milleiros de quilómetros. 

Desde o lugar de Piñeiros, na parroquia de Castroncelos da Pobra do Brollón, Mónica aproveita a natureza para facer xoias. Das árbores da contorna, das pedras e doutros elementos xorden pequenas obras de arte realizadas coa mesma paixón que dedica, tamén, á restauración de móbeis antigos. Como marca emprega, en homenaxe á súa avoa paterna, o nome "A neta da Tula".  

Ramiro Touceda leva unha explotación familiar que xa tiña seu pai na parroquia de Berres, na Estrada. Cultiva amorodo, xudía e pemento de Padrón. É produtor e comercializador directo a través da empresa Río Ulla. Conta cunha tenda na praza de abastos municipal e tamén en Mercagaliza a través de venda directa. É un dos impulsores, e actual presidente, da asociación Berries Galiza, unha marca que quere impulsar a venda directa de froitos como o amorodo ou o arando. 

En plena pandemia, a finais de 2020, Iván Manuel Rodríguez Paz presentaba a súa tese de doutoramento sobre o porco celta na USC. Este veterinario e investigador, responsábel técnico de Asoporcel, cre que esta raza porcina está no camiño de ser moi positiva para recuperar económica e demograficamente o rural galego.

A pandemia reactivou o mercado inmobiliario, impulsando a saída de fogares con pequenas fincas e mesmo piscinas. A Federación Galega de Empresas Inmobiliarias (Fegein) confirma que a tendencia que comezou após o confinamento estrito consolidouse. Iso si, os municipios máis próximos ás cidades teñen un maior atractivo.

A Asociación Buraca das Grellas critica que, malia a instalación dalgúns repetidores nos últimos tempos, o último temporal deixou incomunicada a aldea de Teixeira hai tres días. Acusa a Movistar de levar para o rural aparatos demasiado sinxelos que “quitan na urbe” pese a que son pagados tamén con fondos públicos.

Para ser emprendedora no medio rural o primeiro é ter unha boa idea. Foi o caso de Zeltia Mateo, que con pouco máis de 21 anos decidiu comezar a traballar como autónoma de peiteadora a domicilio. Non contou con máis axuda que o apoio familiar e a rede que dá sentirse como na casa. Catro anos despois, e no medio da pandemia da Covid-19, ten consolidado o seu futuro na aldea onde naceu, na comarca de Quiroga.  

As concentracións, convocadas en 22 vilas e cidades con motivo do Día da Árbore, principiarán ás 12 horas (ás 11 horas en Ourense).

En 2019 púñase en marcha o micromecenado que levou á autoedición de 'Madialeva', relatos ilustrados nos que se lles dá voz ás mulleres do rural e que pon en imaxes historias que só viviran na oralidade. Reeditada por Aira, a obra non deixa de espertar boa receptividade e segue a romper os tabús do feminino.

As familias afectadas polo anuncio do fechamento concentráronse esta terza feira no Hórreo, nun día no que o PSdeG presenta unha moción para "desbotar calquera posibilidade de desafectar o centro".

Este ano a experiencia de convivencia infantil "Cholo e Nela" está de aniversario. Levan 25 anos relacionando aulas e alumnado de 3 a 6 anos de diferentes colexios tomando como base a cultura, a lingua e o xogo. Carlos R. Calvente é un dos responsábeis do proxecto xunto a un equipo de profesorado moi motivado que terá, por segundo ano consecutivo, que trasladar a actividade presencial e lúdica ao formato dixital polas medidas que están a adoptar pola pandemia.  

“Coa tramitación dos permisos no 012. É un teléfono de pago que está saturado onde non se obterá asesoramento ningún”, afirma a CIG

O rural segue a descubrirnos novas experiencias. A de María Veiga e Miguel Garea na aldea de Xiros (Guitiriz) é das que ilusionan. En 2017 crearon un obradoiro de queixos coa idea de trasladar a súa experiencia a un dos produtos estrela da nosa gastronomía. Non lles foi mal, até o punto de non botar en falta o seu anterior traballo, moito máis rendíbel a nivel económico.

Un documental de Xarda Sociedade Cooperativa Galega trata o desmantelamento da sanidade pública, nomeadamente da Atención Primaria, no rural.