Sanidade Pública

O Sergas vén de facer públicas as listas de agarda hospitalaria, que volveron marcar un rexistro histórico en 2022, último ano con cifras, ao sumar 380.717 persoas. Son 32.808 máis que no anterior exercicio. A tendencia semella lonxe de reverterse.

Enfermeiras Eventuais en Loita alerta das consecuencias que terá a alta temporalidade do sector. O colectivo descobriu, a través dunha  enquisa, que o 66% das profesionais non son fixas. O 25 de xuño non estarán dispoñíbeis por acudiren ao concurso-oposición que decorrerá na localidade dezá de Silleda.  

Jorge Aboal nega que fosen "cedidas" a un centro privado pero recoñece que, das perto de 5.000 persoas que son atendidas con estas máquinas nun centro privado da Coruña, unhas 400 non pertencen ao Sergas e teñen seguro privado.

Os doutores mobilizados pola CESM urxen melloras nas condicións laborais e salariais nunha terceira xornada de paro que contou, segundo o sindicato, cun seguimento superior a 60%.

Desde a CIG-Saúde A Mariña, exixen tamén á Directora do Distrito Sanitario da Mariña, María José Cortés Canay, que exerza as súas competencias e que dote dos recursos necesarios para garantir unha atención médica de proximidade.

"Un elevado número de pacientes beneficiáronse e seguen beneficiándose da técnica", celebran asociacións de profesionais.

Traballadoras e traballadores da Atención Primaria e Hospitalaria da Galiza protagonizaron unha nova xornada de paro, protestas e reivindicacións.

Os centros de saúde conmemoran esta cuarta feira o Día Mundial da Atención Primaria con mobilizacións ás 12 horas.

Greve no servizo de limpeza do Abente e Lago.

A Asociación de Pacientes do CHUS convocou esta terza feira unha concentración na capital galega para denunciar o caso de Iván, un mozo de Arzúa ingresado en Conxo e sometido a terapias electroconvulsivas con aval xudicial, malia a súa oposición e da súa familia, que pide que sexa dado de alta.

Primeira xornada da folga indefinida na sanidade convocada por CESM, que eleva o seguimento a 60% mentres a Xunta fala de só 14%.

SOS Sanidade Pública lembra que a Organización Mundial da Saúde (OMS) refírese á Atención Primaria como a "pedra angular" dos sistemas sanitarios e fixa unha serie de medidas a aplicar nos países de todo o mundo que comparte a plataforma.

As matronas desenvolven un papel básico para garantir a correcta saúde das mulleres. Porén, 68% dos municipios galegos non dispoñen deste servizo, ofertado por un persoal de enfermaría cada día máis envellecido, segundo advirte o propio colectivo.

A Asociación de Pacientes do CHUS pon o foco no mediático caso dun mozo ingresado en Conxo ao que se lle aplicou a terapia electroconvulsiva malia oporse a propia familia. Considera que a decisión "vulnera" os dereitos fundamentais do doente e que "non ampara o seu dereito ao consentimento informado e prívao da tutela xudicial".

O hospital Álvaro Cunqueiro de Vigo foi construído polo modelo de colaboración público privado. A Xunta da Galiza debe a UTE concesionaria desta obra 841 millóns de euros. O prazo para completar os pagos remata en 2035.

O movemento en defensa da sanidade pública alertou onte, véspera do Día Mundial da Saúde, das deficiencias e da falta de investimento no Servizo Galego de Saúde.

Critica a cesión a un centro privado de máquinas doadas á sanidade pública pola Fundación Amancio Ortega.

A Asociación de Pacientes do CHUS estuda a interposición dun recurso contencioso-administrativo por "vulneración de dereitos fundamentais" porque a Consellaría, denuncia, "declárase en rebeldía e négase a cumprir" unha resolución da Comisión de Transparencia da Galiza.