violencia machista

Noa Díaz pide á Xunta da Galiza actuar ante o aumento dos casos de violencia machista

As agresións sexuais con penetración aumentaron 10,3% no último ano

Un dos denunciados aínda non foi localizado

Tivo que saltar polo balcón para fuxir do seu ex marido, que a perseguía cun martelo. 

Noa Díaz pide un "reforzo" na prevención.

Un home foi detido en Lugo por agredir a súa parella e lesionar a un axente, segundo informa a Policía Local no seu parte de incidencias. Os feitos producíronse na noite do 5 de agosto na zona da Ronda da Muralla. Á súa chegada, a muller explicou aos axentes que o home lle dera dúas labazadas, tratando de sacarlle algo do bolso. O varón, pola súa parte, negouse a identificarse, proferindo insultos contra os axentes, chegando a dar un empurrón e lanzando puñadas e patadas, polo que foi necesaria a súa inmobilización. Finalmente, foi detido por un delito de violencia machista e atentado a axentes da autoridade. A vítima rexeitou ser asistida nun centro médico.

Nenas de até 12 anos padeceron violencia sexual no contexto dos crimes durante a terceira guerra civil sudanesa, que deixan a poboación civil sen lugares seguros.

Un home, R.O.F., de 37 anos de idade, foi detido na tarde desta cuarta feira en Vigo após ameazar de morte a súa ex parella. Foi contra as 16.55 horas cando a Policía Local tivo coñecemento dos feitos a través dunha chamada que solicitaba asistencia nun edificio da Travesía de Vigo debido a unha discusión de parella. Unha vez no lugar, os axentes atoparon un individuo con "actitude pasiva", a pesar de que se escoitaban os choros dunha muller no interior do piso, polo que entraron e falaron coa vítima, que se atopaba nun "grave estado de nerviosismo". Ela manifestou que a súa ex parella xa o día anterior rompera todas as súas pertenzas, así como electrodomésticos varios, incluíndo a televisión. Isto motivou unha discusión entre ambos e no medio da mesma o home ameazáraa de morte cun desaparafusador, mentres os seus fillos de 4 e 6 anos presenciaban a escena. Logo entrevistáronse co home, que prestou declaracións "contraditorias", polo que foi detido como presunto autor dun delito de violencia machista. Minutos despois, trasladaron a muller a un centro médico, debido ao episodio de ansiedade que sufría.

Un dos carteis cos que o Concello de Lugo declara que a cidade está "libre de violencias machistas" apareceu vandalizado esta cuarta feira, concretamente coa palabra "machista" tachada. A alcaldesa da cidade, Lara Méndez, condenou os feitos a través da súa conta de Twitter: "Unha vez máis temos que lamentar un acto vandálico na cidade vinculado co negacionismo da violencia de xénero, ideario no que están instalados os partidos da dereita". Censurou, ademais, que "mentres se blanquean este tipo de violencias polo mero feito de ser mulleres, só neste mes de xullo asasinaron oito mulleres". "Todo o que non sexa loitar contra a violencia machista é ser cómplice da mesma", concluíu.

Un home, J.L.C., de 36 anos de idade, foi detido na madrugada desta cuarta feira en Vigo após agarrar do pescozo a súa parella e golpeala contra un enreixado metálico dun local comercial. Segundo informou a Policía Local, os feitos ocorreron contra as 2 horas na avenida de Balaídos e os axentes tiveron constancia a través dunha chamada telefónica. Unha vez no lugar, os funcionarios interceptaron o suposto agresor, que negou os feitos. Simultaneamente, outro axente falou coa vítima, que estaba acompañada por un grupo de testemuñas que trataban de tranquilizala. Malia que nun primeiro momento a muller tentou ocultar a agresión, despois confirmouna, indicando aos policías que ten moito medo ao seu mozo. Varias testemuñas precisaron que o home insultou e agarrou violentamente a parella durante a actuación de dúas orquestras nas inmediacións do estadio. Por iso, o home foi detido como presunto autor dun delito de violencia machista.

Segundo as testemuñas, "o home agarrou con forza á muller polo brazo, tirándoa en dúas ocasións con violencia ao chan".

O TSXG aprecia unha incorrecta aplicación da agravante de "especial vulnerabilidade", ao entender que esa circunstancia xa está considerada nos delitos por seren cometidos sobre persoas menores de 16 anos de idade.

De acordo co veredicto do Tribunal do Xurado, foi sentenciado como autor dun delito de asasinato, coa concorrencia das agravantes de parentesco e de xénero.

O PSdeG non aceptou unha emenda do PP que eliminaba unha mención velada aos seus pactos con Vox e retiraba a expresión "violencia machista"

A muller refuxiouse no interior dun vehículo, ao que o home tentaba acceder á vez que insultaba a vítima.

Un estudo da Fegamp chama a coñecer e paliar as eivas de recursos que presentan os CIM, cuxo servizo non alcanza toda a poboación feminina da Galiza.