Xunta da Galiza

As usuarias e os cadros de persoal dos xeriátricos de Outeiro de Rei, O Incio e Culleredo seguen a ser as peor paradas polos gromos. Tamén hai un grupo numeroso de doentes no centro Ricardo Baro de Aspronaga, en Oleiros.

A Consellaría de Sanidade, que esta mañá destacou a redución da incidencia dos gromos na área sanitaria da Coruña e Cee polas limitacións estabelecidas hai unhas semanas, aclarou que pór limitacións noutros municipios é unha estratexia para frear os contaxios en xente nova.

O equipo do IES Plurilingüe de Adormideras, na Coruña, presentou a súa renuncia tras sentir o "menosprezo á comunidade educativa". Así mesmo, denuncia que os cambios son continuados e dificultan a organización.

A Deputación da Coruña tira dun informe xurídico para avisar de que os concellos están a asumir uns traballos que son competencia do Goberno galego. A crítica, e consecuente demanda de fondos, vén motivada porque as actuacións implican un alto sobrecuste inesperado para as arcas municipais.

Os locais de ocio nocturno manterán a limitación de horarios e a partir da medianoite non poderán permitir o acceso á clientela 

A orde da Xunta, publicada no Diario Oficial da Galiza (DOG), indica que estes estabelecementos terán as mesmas limitacións que os bares e restaurantes. Por exemplo, terán que fechar á unha da madrugada, mais non deberán permitir o acceso desde a medianoite.

Seguirán as visitas a centros xeriátricos, mesmo en concellos con restricións

As últimas adxudicacións da Xunta de rutas de transporte de viaxeiros deixan Monbus cunha cota de mercado próxima a 50%, unha situación que a CIG vén de denunciar ante a Comisión Nacional dos Mercados e da Competencia (CNMC) para que investigue a posición de dominio desta compañía.

As ordes publicadas no Diario Oficial da Galiza (DOG) indican as novas restricións, endurecidas debido á preocupación existente en ambos concellos. As autoridades sanitarias tamén fan unha análise das áreas que estaban máis afectadas.

O vicepresidente Alfonso Rueda Valenzuela sería o grande afectado da reformulación gobernamental da Xunta para o novo mandato

Alberto Núñez Feixoo aposta en repetir o seu equipo nun Goberno onde son substituídos os conselleiros de Sanidade e Educación, onde gaña peso o responsábel da área económica, Francisco Conde, e onde sae derrotado Alfonso Rueda. O ascenso de Conde e a perda de poder de Rueda, adiantados en exclusiva por Nós Diario en informacións de 16 de xullo e de 18 de agosto, explícanse no horizonte da sucesión de Feixoo, que vai obrigar a cambios substanciais no Gabinete a medida que a lexislatura avance.

As familias urxen información na volta ás aulas. 

O que era responsábel de Sanidade e a xa ex conselleira de Educación saíntes, Jesús Vázquez Almuiña, e Carmen Pomar, interviron esta mañá no acto de toma de posesión do novo Goberno da Xunta. O responsábel do Executivo da Galiza agradeceulles a súa dedicación e transmitiulles o desexo de “seguir traballando xuntos”.

No seu discurso de investidura como presidente da Xunta, Feixoo reivindica a estabilidade e a moderación política na Galiza mentres olla cara ao goberno do Estado para reclamar colaboración sanitaria. Na mesma liña, puntualiza que os desaxustes entre as administracións responden a unha "concepción errónea" do estado autonómico.