incendios

O fogo, xa extinguido, afectou o número 6 da céntrica rúa Alfonso X o Sabio e obrigou a desaloxalo por completo. Outras nove persoas foron trasladadas ao hospital, tres delas en estado grave, entre as que se atopa outro menor.

Dos 20 efectivos que se exixen só estaban operativos 15 cando recibiron o aviso

Tal como informou o 112 Galiza, os xestores de emerxencias tiveron constancia dos feitos pasadas as 02 horas, despois de que a Policía Local alertase ao Centro Integral de Atención ás Emerxencias (CIAE).

A Cidade da Xustiza de Vigo foi desaloxada por unha falsa alarma de incendio que fixo soar os sinais acústicos minutos antes das 11 horas desta quinta feira. Esta situación obrigou a abandonar o inmóbel a todo o persoal e usuarios que se atopaban no interior do edificio xudicial da cidade olívica. Todos eles foron conducidos polo persoal de seguridade até o exterior da Cidade da Xustiza, á que, polo momento, non se desprazaron efectivos de bombeiros.Uns 15 minutos despois, tras comprobar que a alarma fora activada sen que respondese a unha situación de emerxencia, permitiuse o acceso ao edificio para retomar a actividade.

As discotecas La Fonda e Teatre carecían de licenza de actividade desde o pasado ano e, a pesar diso, seguiron organizando festas e promocionándoas a través das redes sociais. Desde o Concello tampouco executaron a orde de cesamento de actividade que decretara o propio consistorio.

As cinco persoas que foran declaradas desaparecidas este domingo após o tráxico incendio que se cobrou as vidas de trece persoas nunha zona de lecer nocturno de Murcia apareceron xa en bo estado, e os bombeiros informan de que non apareceron máis cadáveres na zona.

As autoridades advirten de que a cifra podería seguir medrando ao longo da xornada. O Concello decreta tres días de loito oficial.

Segundo informa o 112 Galiza, a ocupante do domicilio, que neses momentos se atopaba no interior, chamou á central de emerxencias para avisar de que había chamas saíndo do inmoble situado na rúa de Tinde, en Parada, no concello de Nigrán.

Segundo informa o 112 Galiza, tívose constancia do incendio sobre as 19.45 horas do domingo, cando numerosos particulares chamaban para avisar dunha importante nube de fume que saía do tellado das instalacións situadas en Camiño do Caramuxo.

As oficinas da Consellaría de Sanidade e de Abanca, situadas na rúa Durán Loriga, na Coruña, foron desaloxadas por mor dun lume nuns cartóns. Sucedeu pouco antes das 9 horas da mañá e saldouse sen feridos, segundo confirmou a Europa Press o servizo de emerxencias do 112-Galiza. O operativo de extinción activouse ás 8.50h após a chamada dun particular que alertaba do incendio. Ao lugar acudiron axentes da Policía Local e efectivos de bombeiros da cidade herculina, que confirmaron que o incendio se produciu no patio de luces do inmóbel, onde arderon uns cartóns "posibelmente por mor dunha cabicha de cigarro arroxada desde unha xanela".

As últimas estimacións ofrecidas pola Consellaría do Medio Rural sitúan a superficie afectada en 87,45 hectáreas, todas de superficie rasa.

A Consellaría de Medio Rural dá por estabilizado o incendio forestal que afecta desde a noite da pasada terza feira o municipio de A Mezquita, na comarca de Viana. As últimas estimacións ofrecidas pola Xunta da Galiza cifran en 90 as hectáreas afectadas polo lume. O fogo iniciouse na parroquia de Santigoso, zona onde os equipos de emerxencia continúan a traballar para extinguir o lume. Ao longo da mañá contribuíron ao control das chamas tres axentes, 13 brigadas, oito motobombas e dúas pas, ademais dun helicóptero que se incorporou co paso das horas. Este é o segundo incendio máis grande declarado no mes de agosto despois do de Palas de Rei (A Ulloa), activo entre os días 18 e o 21 con 126 hectáreas queimadas, 117,5 de monte raso e 8,5, arborado.

Permanece activo no municipio da Mezquita, na comarca de Viana, un incendio forestal que, segundo a Consellaría de Medio Rural, tras as primieras medicións sobre o terreo, xa queimou 70 hectáreas. O fogo iniciouse contra as 22 horas da pasada terza feira na parroquia de Santigoso, onde os equipos de extinción continúan a traballar para controlar o lume. Desde o Goberno galego informan de que neste momento están operativos na zona tres axentes, 13 brigadas, oito motobombas e dúas pas. Medio Rural lembra que, desde o pasado 24 de xuño, as queimas de restos agrícolas e forestais realizadas por particulares na Galiza están prohibidas até novo aviso.

Segundo indican, este domingo e segunda feira a situación repetiuse, desta vez no Consorcio de Extinción de Incendios e Salvamento, dependente de Xunta da Galiza e a Deputación Provincial da Coruña.

O tráfico no tramo da autovía A-52 cortado en Seabra como consecuencia dun incendio o pasado domingo dun camión que transportaba chocolate quedou restabelecido ás 14 horas desta segunda feira, xornada na que tivo que ser cortada a circulación de novo debido ao reactivación das lapas na carga e pola necesidade de limpar a vía para garantir as condicións de seguridade. A vía cortouse o pasado domingo polo incendio á primeira hora dun camión entre o quilómetro 117, á altura de Vilavella (A Mezquita, comarca de Viana), e o quilómetro 107, en Lubián (Seabra). O incidente obrigou a interromper o tráfico durante toda a xornada do domingo e a embolsar os camións baixo o protocolo de nevadas.

A vía A-52 cortouse este domingo polo incendio dun camión entre o quilómetro 117, á altura de Vilavella, e o quilómetro 107, en Lubián (Zamora).

O último fogo comezou ás 00.12 horas e quedou extinguido ás 1-43 horas e foi un conato pequeno de 0,03 hectáreas de arboredo.

A Consellaría do Medio Rural informou dun incendio forestal que permanece activo no municipio de Riós (comarca de Verín), que calcinou xa unhas 20 hectáreas de terreo e obrigou a cortar puntualmente a N-525 por fume. En concreto, o lume iniciouse sobre as 16.10 horas nas parroquias de Fumaces e A Trepa e durante algún tempo obrigou a cortar a circulación da estrada N-525 ao seu paso pola primeira zona, dado que o fume dificultaba a visibilidade. Para o control deste incendio mobilizáronse, polo momento, un técnico, cinco axentes, oito brigadas, seis motobombas, catro helicópteros, unha pa e cinco avións.

Bombeiros sufocaron un incendio que esta cuarta feira queimou un palé con material prensado e un contedor de lixo nunha nave industrial de Foz (A Mariña), segundo informa o 112. En concreto, arderon uns ferros de pladur, nunha nave de material de illamento situada na parroquia de San Martiño de Mondoñedo que non viu afectada a súa estrutura. Tampouco sufriron danos outros materiais ou vehículos presentes na instalación. Ademais dos bombeiros, foron mobilizados efectivos do GES, Garda Civil e servizos sanitarios, por precaución. Tamén se deu aviso aos servizos ambientais da Xunta, pero os danos foron leves.