Abre o prazo para ser parte do proxecto 'Ponte... nas Ondas!'
Desde esta sexta feira, día 17, até o 30 de novembro, os centros educativos que así o desexen poderán solicitar a súa adhesión ao modelo de educación patrimonial 'Ponte... nas ondas!', recoñecido pola Unesco. A Consellaría de Cultura, Educación, FP e Universidades abre o prazo da convocatoria, nunha primeira fase, a un total de 20 centros públicos das etapas de Infantil, Primaria, ESO e Bacharelato, que pasarán a formar parte da Rede de centros 'Ponte... nas Ondas!'. Os interesados deberán presentar un proxecto que será valorado polas súas achegas ao Plan de Mellora de Bibliotecas Escolares do curso 2022-23 e ao programa Radio na Biblio. O modelo 'Ponte... nas ondas!' naceu da man da Asociación Cultural e Pedagóxica homónima no ano 1995 na Eurorrexión Galiza-Norte de Portugal.