Actívase o protocolo de incidentes de ciberseguridade ante un posíbel acceso a datos do rexistro de animais de compañía
A Xunta activou o protocolo estabelecido para incidentes de ciberseguridade perante a posibilidade de que se produciu un acceso aos datos dos usuarios da aplicación do rexistro de animais de compañía (Regiac). Tal e como se detalla no Diario Oficial da Galiza (DOG) desta terza feira a Dirección Xeral de Patrimonio Natural informa de que recibiu unha comunicación mediante a que se traslada que se produciu un incidente de seguridade informática que afectou aos datos persoais das persoas titulares de animais de compañía inscritos no Rexistro Galego de Identificación de Animais de Compañía da Galiza (Regiac).
photo_camera Unha cadela de compañía (Foto: Nós Diario).