Ainhoa certifica a súa primeira vitoria ligueira na Liga Nacional de Billarda

A quinta xornada na Conferencia Rías Baixas da Liga Atlántica de Billarda permanecerá sempre na memoria de Ainhoa (Armadiña de Combarro), quen con 18 anos obtivo o seu primeiro triunfo na categoría absoluta. De feito, como destacan desde a organización, os resultados dun evento disputado no Pavillón de Mosteiro (Meis) confirman "que a billarda non é só para vellas e vellos", pois das seis finalistas, cinco tiñan menos de 20 anos. Delas, só o único veterano (Manolo Outeiro) e Xián sabían o que é facerse co triunfo final de xornada, caendo a sorte do lado dunha Ainhoa que venceu Antía (Gharaboto de Marín) no desempate. Con respecto á modalidade feminina, gañou Bego (Corredoiras de Bueu), mentres que na infantil impúxose Sofía (Gharaboto), completando así un podio exclusivamente feminino.