11/mar./24 - 22:00
Actualizado: 12/mar./24 - 12:02
Unha aplicación móbil permitirá ter información do catastro
A Administración estatal puxo en marcha a aplicación móbil Catastro_app, unha ferramenta que permite reunir e personalizar en cada dispositivo móbil, só para uso persoal, información de todos os seus inmóbeis urbanos e rústicos, xa que poden engadir fotografías, esbozos ou anotacións, segundo informaron a través dun comunicado. Entre as súas funcións, permite coñecer ao instante as alteracións catastrais que poidan afectar aos inmóbeis dos que é titular catastral. A aplicación móbil avisará de se se está tramitando algún procedemento catastral que afecte o seu inmóbel, de forma que poida achegar a información solicitada, formular alegacións ou descargar notificacións pendentes.
![Unha persoa usa o móbil (Foto: Nós Diario).](/asset/thumbnail,1280,720,center,center/media/nosdiario/images/2021/07/19/2021071913592417779.jpg)