Aurichu Pereira será nomeada hoxe Filla predilecta de Santiago de Compostela

O Pleno municipal de febreiro do Concello de Santiago de Compostela, que terá lugar esta quinta feira, 29 de febreiro, outorgará as Medallas de ouro da cidade a Tareixa Navaza González e a Luís Pasín Noya; o nomeamento como Fillos predilectos de Santiago a Aurora (Aurichu) Pereira Carballo a título póstumo e de Ezequiel Méndez Vidal; e como Fillos adoptivos a José Porto Buceta e a título póstumo a Manuel Quintáns Suárez. Ademais, o Concello porá o nome de Luis Rial Suárez a unha rúa da cidade e instalará unha placa no seu recordo nun espazo público.