A localidade húngara de Szeged, unha das grandes capitais do remo a nivel continental, acolle desde esta queinta feira e até o próximo domingo, 28 de abril, o Campionato de Europa da modalidade, unha cita chave de cara á preparación para os Xogos Olímpicos de París. Alí está presente o noiés Caetano Horta, que participou en compañía do catalán Dennis Carracedo nunha das primeiras probas da competición, a do dobre scull lixeiro masculino LM2x. Lamentabelmente, a sorte non estivo do lado dun deportista que en 2021, no marco da campaña de Vía Galega 'Galiza, un pobo, unha selección', non ocultou o "orgullo" que sentiría por poder competir algún día defendendo a Galiza a nivel internacional, pois tras ser segundo na súa serie deberá disputar na sexta feira unha 'repesca' para lograr coarse na finalísima.
photo_camera O galego (diante), boga con Carracedo onte na proba continental. (Foto: RFER).