![Nós Diario](/media/nosdiario/images/2023/01/10/2023011017211925549.png)
Redacción
24/out./23 - 14:56
Actualizado: 24/out./23 - 14:56
A formación política Democracia Ourensá (DO) concorrerá coa súa propia marca ás próximas eleccións ao Parlamento da Galiza. Así o deu a coñecer o seu líder, Gonzalo Pérez Xácome mediante un comunicado esta terza feira. Explica que DO presentarase como "o partido que é" ás eleccións do Parlamento Galego de 2024 e non baixo unha plataforma, cuxa alternativa "chegou a sopesarse cando se anunciou ir aos comicios". Con todo, aínda que Democracia Ourensá será quen forme a lista electoral, si adiantan que se incluirá nela cidadáns independentes de distintos puntos da circunscrición.