Ferido o condutor dunha furgoneta que impactou contra un camión na A-6 ao seu paso por Baralla
O condutor dunha furgoneta resultou ferido nun accidente de circulación rexistrado na noite da pasada terza feira na autovía A-6 ao seu paso polo municipio de Baralla (Lugo). O sinistro protagonizado por un furgón e un camión articulado tivo lugar ás 22 horas á altura do punto quilométrico 465 da autovía A Coruña-Madrid en sentido decrecente. O incidente saldouse cun ferido, o condutor da furgoneta, que tivo que recibir asistencia sanitaria. A colisión obrigou a desviar o tráfico pola N-6 até que os vehículos foron retirados e finalizouse coa limpeza da vía.