O Goberno español asigna melloras á estrada N-541, na que accidentou un autobús en Noiteboa
O Ministerio de Transportes, Mobilidade e Axenda Urbana (Mitma) vén de formalizar por 7,7 millóns de euros un contrato para a execución de conservación en estradas do Estado na provincia de Pontevedra. Entre esas actuacións inclúese a mellora da estrada N-541 que une Ourense con Pontevedra, vía na que accidentou un autobús na Noiteboa de 2022, deixando sete falecidos, ao seu paso por Cerdedo-Cotobade (comarcas de Terra de Montes e Pontevedra). Esta traxedia deu lugar a que diferentes Alcaldías polas que discorre a vía impulsasen un pacto para reclamar a súa reforma ao Goberno estatal. Agora, haberá reforzo de firmes e implantación de sistemas de contención, entre outras accións.
photo_camera Estado no que quedou o autobús após o sinistro. (Foto: Gustavo de la Paz / Europa Press)