O Hóckey Club da Coruña vai a pola Champions League
O Hóckey Club A Coruña ten esta fin de semana a oportunidade de lograr o primeiro título da súa breve traxectoria -apenas ten un ano de vida-,nin máis nin menos que a WSE Champions League. A escuadra herculina encara as semifinais da competición continental ás 19.30 horas do sábado no primeiro partido da Final Four, que se disputará no Pazo de Riazor. O obxectivo da formación galega é facer bo o factor campo para dar a sorpresa e superar un conxunto que lle saca 14 puntos de vantaxe na OK Liga. De conseguilo, afrontaría a finalísima ás 12 horas do domingo, tamén en Riazor, ante o vencedor do duelo entre Generali Palau Plegamans e Cooperativa D'Ivars Vila-Sana.
photo_camera A unión das xogadoras será vital para lograr o obxectivo. (Foto: Hóckey Club A Coruña).