Unha muller resulta ferida de gravidade tras ser mordida por un can en Santiso

Unha muller resultou ferida de consideración ao ser mordida por un can no municipio de Santiso. Segundo informou o CIAE 112 Galiza, o suceso produciuse esta sexta feira. Até o lugar mobilizouse o helicóptero medicalizado de Urxencias Sanitarias 061 para atender a muller, que caeu ao chan despois de ser atacada polo can. A muller ferida foi recollida no centro de saúde de Melide para o seu traslado ao hospital.