Sindicatos convocan a primeira folga na historia da Seguridade Social ante a falta de medios
CCOO e CSIF anuncian a convocatoria para o 7 de setembro dunha xornada de folga de 24 horas en todos os centros da Seguridade Social, a primeira na historia deste organismo, ante a falta de efectivos, o atraso na xestión das prestacións e o incumprimento xeral dos acordos de persoal, segundo denuncian ambos os sindicatos. CCOO e CSIF, dando continuidade ao conflito no ámbito da Seguridade Social tras as convocatorias de mobilizacións e concentracións iniciadas ao longo do segundo semestre de 2022 e durante o ano 2023, levarán a cabo tamén paros parciais ao longo do mes de maio, todas as sextas feiras, de 10.30 a 11.30 horas, nos centros das entidades xestoras e servizos comúns.
photo_camera O ministro español de Seguridade Social, José Luis Escrivá. (Foto: Eduardo Parra / Europa Press)