O sindicato portugués de médicas e médicos afirma que a adhesión á folga alcanzou 80%

A greve de doutoras e doutores en Portugal, que vive hoxe o seu segundo e último día, logrou un nivel de participación de entre 80% e 85% das e dos profesionais, informou a Federação Nacional dos Médicos, que convocou a folga en defensa dunha actualización salarial e dos servizos de saúde públicos. O Executivo insistiu á axencia Lusa que apenas unha de cada catro médicas e médicos se ausentaron no primeiro día de greve.