Uxía:
“Acabamos de perder un dos músicos que máis marcou a música galega dos últimos anos. Nós temos a percepción de que é un dos grandes. O tempo daralle a súa verdadeira dimensión”.
Carlos Santiago:
“El era o meu irmán, partillamos a mesma aventura vital desde a adolescencia, sempre guiados por un mesmo ideal, ser homes libres, e síntome orgulloso de ter navegado ao seu lado e de todos os segredos extraordinarios que atopamos na viaxe”.
Branca Cendán:
“Fran é o amigo e compañeiro co que todo o mundo quere traballar, porque ademais do seu incrible talento creativo é moi xeneroso e ten moi bo rollo”.
Jabier Muguruza:
“Desde que traballamos e convivimos no proxecto “MundoCafé”, FranPerez e eu eramos amigos. Sen dúbida, o meu sentimento profundo é de ter perdido un amigo. Besarkada handi bat, Fran!”.
Vítor Belho
“Váisenos unha forma de ser, de entender a vida, váisenos un referente para toda unha xeración, váisenos un talento único e irrepetible. E váiseme un amigo, uni rmao ao que admiraba e ao que quería a partes iguais".
A íntegra desta reportaxe, unha dupla páxina, tela ao teu dispor no Sermos222, nos pontos de venda habituais e tamén na nosa loxa.
