É un dos elementos que economistas e analistas sinalan á hora de falar de elementos que marcan e condicionan o modelo produtivo galego: a abundancia de microempresas. Segundo datos do IGE, en Galiza hai 168.145 empresas sen persoas aslariadas, o que supón aproximadamente o 68% do total das que teñen actividade no noso país. Non poucos preguntan se se pode chamar empresas a quen non ten ningún traballador a cargo.
Ademais, 46.789 empresas contaba cun ou dous asalariados (o 18,89% do total). Aquelas que teñen un mínimo de 20 traballadores representan apenas o 1,73% do total. Do total de 247.000 empresas que operan en Galiza só 92 teñen máis de 500 traballadores, e 127 móvense entre os 250 e 499 asalariados.
As porcentaxes máis altas de empresas con ningún, un ou dous asalariados está no sector primario, (o 96,98% das empresas). No outro extremo atópase o sector industrial (incluída a enerxía), onde a porcentaxe de empresas que non chega a tres asalariados é do 68,60%.
