Un mínimo de 1.200 empresas, 558 accionistas, 166 clientes intermediarios e 89 beneficiarios no Estado español empregaron o bufete Mossack Fonseca para ocultar o seu patrimonio en paraísos fiscais. Así se desprende da maior filtración do xornalismo, que deu pé a unha investigación do Consorcio internacional do xornalismo de investigación e que en Portugal publica Expresso e no Estado español El Confidencial e La Sexta.
Nos documentos filtrados aparecen nomes como o de Pilar de Borbón, Messi, Pedro Almodóvar, a muller do ex-ministro Arias Cañete,.... Mais tamén aparecen persoalidades e nivel internacional, como os presidentes arxentino (Macri) e ucraíndo (Poroshenko) ou o primeiro ministro de Islandia (Gunnlaugsson). Ademais, reis e xeques árabes, ex-primeiros ministros de diferentes estados, como Sudán, Emiratos Árabes ou Xordania, entre outros. E persoas moi cercanas a líderes como Vladimir Putin, como se fosen os seus posíbeis 'testa-ferros'.
Para debullar e analizar toda a información filtrada, o Consorcio coordinou un equipo de máis de 370 xornalistas que traballaron durante un ano.
A actividade profesional de 'Mossack Fonseca', o bufete no albo da investigación, moveu máis de 214.000 entidades 'offshore' en territorios como Panamá, Illas Virxes británicas e outros paraísos fiscais.
