Galiza acumula récords na cara escura do mundo laboral. Dados que, nunha xornada como o 28 de abril, Día Internacional de Saúde e Seguridade Laboral, cobran especial relevancia nos medios de comunicación. Dados como que o índice de incidencia (número de sinistros por cada 100.000 traballador@s) dos accidentes mortais en Galiza foi no ano 2013 de 5,3 puntos, valor moi superior á media do Estado, que estivo en 3,1 puntos. “Isto sitúa a autonomía galega no terceiro lugar no conxunto do Estado”, afirman desde os sindicatos.
Por outra banda aparece tamén como dato extremadamente preocupante que, o índice de incidencia de accidentes graves na Galiza foi no 2013 de 52,2 puntos, sendo o máis alto de todos os terrirtorios “e chegando case a duplicar a media estatal, que foi do 23,8”, apuntan desde a CIG.
Tamén desde CCOO e UGT afóndase na problemática:: “no 2013 en Galiza un total de 22.377 persoas foron vítimas dun sinistros no seu posto de traballo. Hai que ter en conta o repunte da sinistralidade mortal que pasou de 45 traballadores falecidos no 2012 a 47 no 2013. A pesar da situación de crise e de ter diminuído a man de obra en sectores de maior risco de accidentabilidade e de terse expulsado do mercado laboral aos traballadores temporais ou que reforzaban as demandas en momentos de maior intensidade de tarefas”.