Galiza ten a 28 de febreiro 1006 persoas menos rexistradas nas oficinas do desemprego que en xaneiro. Mais a cifra d@s que seguen inscrit@s mantense alta: 280.071 persoas. Desde febreiro do ano pasado a este o paro caeu en Galiza en 12.752 persoas. Mais neses doce meses no noso país a afiliación á Seguridade Social minguou en 6.299 persoas.
De febreiro de 2013 a febreiro de 2014 baixou o número de persoas anotadas nas oficinas do paro mais tamén se destruíu emprego. Neste segundo punto Galiza ten un comportamento moito peor que a media do Estado español: no noso país baixaron o número de afiliad@s en case 6.300 mentres no conxunto do Estado aumentou en 61.557. Na Galiza hai actualmente 902.990 persoas dadas de alta na Seguridade Social.
Haberá ampliación