O Goberno de Venezuela incrementará nun 10% o salario mínimo e as pensións de xubilación.
Anunciouno o presidente bolivariano, Nicolás Maduro, quen explicou que a medida se implementa para que os e as traballadoras poidan facer fronte á inflación "inducida e criminal" derivada da "guerra económica" que enfronta entre si as grandes empresas privadas do país.
Entre maio de 2013 e xaneiro de 2014 os salarios subiron un 59%, namentres a inflación se incrementou nun 56%. A última subida salarial fíxose efectiva en novembro e foi a terceira das realizadas o ano pasado. Aliás, as persoas que cobran ese salario mínimo reciben tamén un bono de alimentación que en 2013 incrementou os ingresos destas familias dos 2.973 aos 4.110 bolívares --de 347 a 479 euros--.
