A actual dirección de Anova, co sector que simbolizan Xosé Manuel Beiras e Martiño Noriega como referentes, fixo prevalecer a súa postura para que a asemblea só elixa a Coordinadora Nacional e que esta logo sexa a encargada de decidir @ portavoz/a da organización. Tamén se aprobaron o informe de xestión e o económico, con saldo positivo este último.
Deste xeito, e con 26 votos de diferenza, o regulamento proposto desde a dirección venceu en asemblea ás resistencias doutro sector da forza política, nun comezo de asemblea que tamén decidiu que a elección do máximo órgano directivo se faga por listas abertas, con correccións de xénero se son necesarias.
Redondela
Houbo tensión cando se tratou o regreso á militancia do grupo de Redondela, arredor de vinte persoas, que foran expulsadas da organización e que se decidiu en votación que lles devolveran os seus dereitos, medida que foi recibida con apupos por unha parte d@s presentes na asemblea que está tendo lugar en Compostela e na que tamén se rexeitou unha proposta para prohibir a dupla militancia -na FPG ou no Encontro Irmandiño, por exemplo- por só unha dúcia de votos.
