Ana Miranda,emprendeu a viaxe a Bolivia para participar en representación do BNG e da Fundación Galiza Sempre no XX Foro de São Paulo,encontro internacionalista que nesta edición decorre en La Paz (Bolivia) con máis de 650 representantes de partidos políticos da esquerda e organizacións sociais de toda América Latina, así como organizacións políticas de varios continentes.
Miranda intervirá no plenario do Foro cun relatorio sobre a situación de Galiza no contexto de neoliberalismo das políticas de austeridade e recortes aplicadas pola Troika e polos Gobernos español e galego. A axenda da nacionalista contará asemade con reunións bilaterais co Secretaria do Foro, con representantes de diferentes formacións políticas políticos e organizacións sociais latinoamericanas.
O Foro de São Paulo (FSP), é un dos foros internacionalistas máis importantes, constituído en 1990, cando partidos de América Latina e el Caribe reuníronse por convite do Partido dos Trabalhadores (PT Brasil) co obxecto de debater unha alternativa popular e democrática ao neoliberalismo que iniciaba unha fase de ampla implementación mundial.
Neste evento internacional debaterase sobre a coxuntura internacional, consecuencias das políticas neoliberais, loita contra a pobreza e necesidade de movementos sociais.