O BNG emitiu esta terza feira un comunicado nas redes sociais no que “saúdan” a reelección de Nicolás Maduro como presidente de Venezuela e desexan o mellor ao pobo venezolano.
“Tras a proclamación dos resultados das eleccións presidenciais por parte do Consejo Nacional Electoral, saudamos o reelecto presidente da República Bolivariana de Venezuela, Nicolas Maduro e desexamos o mellor ao pobo venezolano para o que agardamos un futuro de paz e prosperidade.
Observamos con preocupación a desestabilización social que parecen buscar para Venezuela diferentes axentes do interior e do exterior dese país, a partir do cuestionamento do resultado electoral.
A experiencia do golpismo político é infelizmente longa nese continente, cada vez que as urnas se manifestan de forma diferente ao que desexan os grandes poderes.
Hoxe, como sempre, defendamos a paz, a democracia, os dereitos e rexeitemos a violencia”.
