O deputado do PSOE galego e ex-líder da súa formación Pachi Vázquez anunciou que loitará para ser o candidato do Partido Socialista á alcaldía de Ourense.
Así o afirmou nun acto na propia cidade, onde dixo que presentará a súa candidatura ás primarias logo de levar meses escoitando ideas e proxectos sobre a urbe, o que lle fixo “sentirse obrigado a iso”, segundo palabras do que tamén foi rexedor de O Carballiño.
O actual rexedor, Agustín Fernández, non se presentará
![Publicidade 201818]()
@s socialistas en Ourense están dividid@s en dous grupos, un deles afín ao actual alcalde, Agustín Fernández -que non se presentará- e outro, os denominados 'pachistas', que apoian ao ex-secretario xeral do PSdeG, enfrontado a nivel interno coa dirección galega de Gómez Besteiro e que ten afirmado publicamente que non concorda coa decisión do aparato de permitir que se volvan presentar aos comicios locais persoas imputadas, como pode ser o caso do alcalde de Lugo, López Orozco.
