O estudantado que permanece acampado na Facultade de Xeografía e Historia de Santiago de Compostela en protesta pola invasión israelí de Gaza realizou esta sexta feira unha intervención pública para criticar que o Decanato os "desaloxase" dunha das aulas que estaban a utilizar e que estea a difundir que "non haberá espazos para realizar os controis" da próxima semana, considerando que a USC busca deixalos "como inimigos ante o estudantado", cando a Asemblea ten "o compromiso unánime de non dificultar nin boicotear os exames".
A ocupación de espazos nesta facultade, que se iniciou hai dez días, obrigou a recolocar noutros centros da Universidade, como Filosofía e Medicina, os lugares para realizar exames e outras actividades. O movemento recibiu o apoio do Decanato, que lle cedeu espazos a condición de que a protesta fose "compatíbel coa marcha relativamente ordinaria" da Facultade.
@nosdiario 🇵🇸O estudantado que permanece acampado na Facultade de Xeografía e Historia de Santiago de Compostela en protesta pola invasión israelí de Gaza realizou esta sexta feira unha intervención pública para criticar que o Decanato os "desaloxase" dunha das aulas que estaban a utilizar e que estea a difundir que "non haberá espazos para realizar os controis" da próxima semana, considerando que a USC busca deixalos "como inimigos ante o estudantado", cando a Asemblea ten "o compromiso unánime de non dificultar nin boicotear os exames".A ocupación de espazos nesta facultade, que se iniciou hai dez días, obrigou a recolocar noutros centros da Universidade, como Filosofía e Medicina, os lugares para realizar exames e outras actividades. O movemento recibiu o apoio do Decanato, que lle cedeu espazos a condición de que a protesta fose "compatíbel coa marcha relativamente ordinaria" da Facultade.As tendas e os obxectos persoais dos mozos e mozas ocupan espazos tanto da primeira como da segunda planta e, desde a pasada segunda feira, estendéronse a máis aulas —a 5 e a 8—. Nesta situación, o decano da Facultade enviou estes días un correo electrónico no que recoñecía que non ten "garantía de situar todos os exames da semana próxima" noutros espazos universitarios, o cal podería afectar o calendario. As e os estudantes acampados afirman que a universidade ten "capacidade e medios para garantir o bo funcionamento dos exames", alegando que "só na zona vella contan con máis de 50 aulas". "Demostran, unha vez máis, como a súa vontade de colaboración é mera retórica", dixeron. "Exiximos á USC que poña fin a todas as relacións con calquera institución que promova a cultura da guerra e que sexa transparente, facilitándonos toda a información sobre proxectos de investigación en curso con institucións académicas israelís", apuntan, nun manifesto no que as estudantes afirman que non aceptan nin aceptarán "medias tintas nin palabrería barata". 📲Toda a información, en nosdiario.gal #Palestina #Gaza #Israel #usc #studentsforgaza ♬ Epic News - DM Production
As tendas e os obxectos persoais dos mozos e mozas ocupan espazos tanto da primeira como da segunda planta e, desde a pasada segunda feira, estendéronse a máis aulas —a 5 e a 8—. Nesta situación, o decano da Facultade enviou estes días un correo electrónico no que recoñecía que non ten "garantía de situar todos os exames da semana próxima" noutros espazos universitarios, o cal podería afectar o calendario.
Novos espazos
Os membros da acampada confirmaron esta sexta feira que foran "desaloxados" da aula 8, "cuxa ocupación fora comunicada pola asemblea a noite anterior" para "paliar as necesidades de crear novos espazos para garantir a integridade física e mental" das e dos participantes. "Non ocupamos estas aulas por capricho, senón pola necesidade dun 'punto lila' e dunha zona de baixa estimulación", dixo Paula, unha das portavoces dos estudantes.
A negativa para usar estas aulas, engadiron, prodúcese a pesar de que "todos os exames previstos nesta Facultade foron realizados sen trabas por parte da Asemblea, sendo o maior contratempo un atraso de dous minutos". Os mozos aseguran que teñen o compromiso "de non dificultar nin boicotear os controis" e acusan a USC de tentar deixalos "como inimigos ante o estudantado", mesmo "comparando frivolamente a ocupación de espazos que necesitamos da Facultade coa ocupación sionista en Gaza".
As e os estudantes acampados afirman que a universidade ten "capacidade e medios para garantir o bo funcionamento dos exames", alegando que "só na zona vella contan con máis de 50 aulas". "Demostran, unha vez máis, como a súa vontade de colaboración é mera retórica", dixeron. "A hostilidade non é nin será cara ao estudantado, senón cara aqueles que, xa sexa de maneira velada ou directa, seguen sendo cómplices do xenocidio", explicitaron.
Sen "medias tintas"
A continuación, as portavoces leron un manifesto da Asemblea no que reclaman que todas as institucións españolas se impliquen coas "demandas históricas do pobo palestino". Dentro das institucións que sinalaron está a USC, que "colabora en trece proxectos de investigación e en sete publicacións científicas conxuntas con universidades israelís" e que "lle concedeu un premio á filósofa sionista Marta Nussbaum".
Fronte a isto, reclamaron un "boicot" tamén "académico e cultural a Israel" e "o recoñecemento de que o que está a facer en Palestina é un xenocidio", ademais de exixir o "cesamento do fogo inmediato e permanente" e o "fin do bloqueo ilegal da Faixa de Gaza". "Exiximos á USC que poña fin a todas as relacións con calquera institución que promova a cultura da guerra e que sexa transparente, facilitándonos toda a información sobre proxectos de investigación en curso con institucións académicas israelís", apunta o manifesto, no que as estudantes afirman que "non aceptan nin aceptarán medias tintas nin palabrería barata".
Tamén sostiveron que "de nada serve recoñecer o Estado de Palestina se se segue lexitimando o marco colonial imposto por Israel á vez que se colabora directa ou indirectamente co sustento do xenocidio". "O Goberno pide, a universidade pide; nós exiximos: desde o río até o mar, Palestina vencerá", concluíron.