Non está claro se acudirá ao partido da selección galega o máximo representante institucional da Galiza, o presidente do Goberno galego, Alfonso Rueda, que non ten marcada na súa axenda institucional oficial a presenza no encontro que se disputará esta sexta feira no estadio de Balaídos. Si estarán a líder do BNG, Ana Pontón, e o do PSdeG, José Ramón Gómez Besteiro.
A posibilidade da ausencia do presidente da Xunta da Galiza no partido da selección galega de fútbol abre un debate sobre a institucionalidade da Irmandiña. Non debería estar presente o líder do Executivo galego neste encontro? Suporía un desprezo e unha falta de apoio ao que representa a Irmandiña? Que opinan os seareiros e as seareiras?