Os Ancares, A Fonsagrada e Meira, as comarcas que conforman a área coñecida popularmente como A Montaña, levan máis dun século despoboándose. Un proceso iniciado coa emigración americana das últimas décadas do s. XIX e das primeiras do XX, agudizado coas emigracións europeas da segunda metade do s. XX e acelerado coa reconversión do complexo agrario, após a incorporación do Estado español ao Mercado Común Europeo, antecedente da actual UE. O 28-M, tócalles ás 19.057 veciñas e veciños da zona decidir o camiño a seguir.
A batalla polas persoas indecisas centra a loita electoral nestes últimos días de campaña en Santiago de Compostela. Un PP e un BNG á alza e un PSdeG e unha Compostela Aberta á baixa pelexan por decantar esta bolsa de votantes, que as propias formacións sitúan en arredor de 23% do total do censo.
Na recta final da carreira electoral, 'Nós Diario' achega unha serie de entrevistas aos principais candidatos e candidatas ás alcaldías das cidades galegas para coñecer os seus programas e propostas de cara ao 28-M. Luís Seara é o candidato do BNG á Alcaldía de Ourense.
A candidata á Acaldía polo BNG de Narón, Olaia Ledo, presentou as súas propostas en canto ás políticas de igualdade no Concello de Narón nunhas conversas nas cales estaban presentas mulleres da Marcha Mundial de Mulleres da comarca de Ferrolterra, doutras entidades que loitan a prol dos dereitos das mulleres, e veciñas do concello de Narón. Todas elas falaron das cuestións que é preciso mellorar para chegar a unha igualdade real. “As políticas de igualdade deben ser transversais e máis na administración máis próxima, por iso a a necesidade dunha técnica de igualdade”, comentou Ledo.
