Covid-19

Enfermeiras en Loita lembra un documento da xerente na que non recomendaba o uso xeral de máscaras no ámbito hospitalario e a Federación de Sanidade de CCOO pide á Consellaría a destitución de Eloína Núñez á fronte da Xerencia.

Foi o único presidente autonómico que fixo esa petición.

Sexto día sen falecementos e máis de 10.200 persoas curadas.

Co feche dos centros de día 14.400 usuarios e usuarias ficaron sen o seu espazo de coidados e socialización até o mes de setembro. A paralización deste servizo derivou no deterioramento de moitas das persoas que acoden aos centros e que se viron privadas da atención especializada que recibían. Familiares, esgotadas e abafadas polo esforzo, e entidades que atenden as usuarias piden o seu regreso aos centros.

Con case 700.000 casos confirmados e máis de 37.000 mortes, segundo os datos actualizados onte, o Brasil é o segundo país en número de contaxios e o terceiro no de decesos, no medio da lea sobre a maneira de rexistrar os datos.

A nena pasou a COVID-19 xunto á súa familia e deu negativo nun test no mes de maio, agora está hospitalizada por outra doenza e deu positivo nunha nova proba de coronavirus.

A equipa do profesor José Martínez Costas no CiQUS obtén financiamento para o ensaio preclínico do seu proxecto para lograr unha vacina contra o coronavirus.

Só unha afectada polo coronavirus permanece na UCI.

Pubs e discotecas terán que agardar a xullo.

O Goberno central aprobará mañá, día 9, un real decreto coas normas que se deberán seguir unha vez decaia o estado de alarma para evitar rebrotes polo coronavirus, e que obrigarán a usar máscaras sempre que non se poida garantir o mantemento de distancia de seguridade. O uso de máscaras, que se aplicará tamén en transporte público, non será obrigatorio para persoas con problemas respiratorios e crianzas menores de seis anos.

Os casos activos de coronavirus manteñen a tendencia descendente, cunha redución de 18 nas últimas 24 horas. As persoas curadas ascenden a 10.242

Membros da asociación Vellez Digna, que compoñen familiares de persoas usuarias da residencia de maiores DomusVi de Aldán, en Cangas, protestaron este sábado diante do centro para reclamar unha mellor atención para as persoas residentes e pedir explicacións polos falecementos.

Os datos actualizados este sábado pola Consellaría de Sanidade fixan en 542 os casos activos de coronavirus na Galiza, 21 menos que na xornada previa. Só unha persoa permanece a esta hora na UCI pola enfermidade. 

O BOE publica este sábado unha orde ministerial con novas medidas de flexibilización das restricións derivadas do estado de alarma ante a "evolución epidemiolóxica positiva" que, no caso da Galiza, permite o paso á fase 3 do proceso de recuperación desde o vindeiro día 8. 

Pode que o valor que recobraron durante a pandemia as tendas de alimentación dos barrios sexa só un espellismo, consecuencia das restricións ao resto do comercio ou do medo a unha exposición maior ao contaxio. Ou pode que sexa unha tendencia que veña a redescubrir o que os negocios de proximidade achegan, máis alá do puramente comercial, ao tecido social. Nun momento de precariedade e incerteza, o sector galego expón as súas potencialidades. 

Durante a pandemia e tras o feche de escolas infantís e centros de Educación Primaria, os Estados europeos puxeron en marcha axudas económicas ou medidas laborais para axudar ás familias a conciliar. Co desconfinamento moitos optaron por reabrir os seus centros, con medidas de seguridade, mentres na Galiza permanecerán fechados até setembro.

O director do Centro de Coordinación de Alertas e Emerxencias Sanitarias afirma que “previsibelmente” se seguirán usando até ver se hai rebrotes da pandemia no outono.

Ante a diminución dos casos de coronavirus no Reino Unido, os científicos precisan dun lugar con maiores taxas de infección para demostrar a súa efectividade.

Por outro lado, o Conselho de Ministros aprovou na quinta-feira o Programa de Estabilização Económica e Social (PEES) para mitigar o impacto económico e social da pandemia.

O Goberno español vén de anunciar que a vindeira segunda feira, día 8, toda Galiza avanza até a Fase 3 (e última) do plan de desconfinamento. A Xunta xestionará a partir de agora a mobilidade e prevese que permita a circulación por todo o país.