Donald Trump

A pasada quinta feira, Donald Trump anunciou novos aranceis ás importacións chinesas por valor de 300 mil millóns de euros. Un durísimo pau para a segunda maior economía do planeta. Mais a reacción do país asiático non se fixo agardar e Beijing premeu un botón que permanecía intocado desde 2008: unha desvalorización da súa moeda que permitirá que un dólar se troque por sete iuáns. O movimento incrementa a competitividade das mercadorías chinesas e en parte anula os efeitos das tarifas impostas por Trump.

O líder botou achas xenófobas ao lume e este prendeu con forza. A concorrencia a un mitin de Donald Trump berrou: "Mándaa de volta" cando o presidente norteamericano se referiu á congresista Ilhan Omar, de orixe somalí.

Trump desencadeado e en estado puro. Xa metido na fariña de precampaña, o político do Partido Republicano identifica o inimigo a bater na ala máis progresista do Partido Demócrata, en concreto en catro congresistas mulleres coas raíces fóra dos EUA.

Donald Trump converteuse esta fin de semana no primeiro presidente dos Estdos Unidos en pisar territorio norcoreano. O domingo 30 de xuño, Trump reuniuse con Kim Jong-Un na Zona Desmilitarizada, a faixa frointeiriza entre as dúas Coreas, e de maneira simbólica atravesou a raia.

Sánchez procurou un contacto cordial co presidente dos EUA antes de tomar asento na cimeira do G20, en Osaka. Trump concedeulle primeiro uns segundos, mais a seguir, dedo índice do brazo dereito esticado, sinaloulle ao xefe do executivo español a súa cadeira. Sánchez sorriu e sentou.

Segunda feira pasada a escritora e columnista da revista Elle E. Jean Carroll referiu unha agresión sexual sofrida a mans de Donald Trump e da que tería sido obxecto nos probadores dunha tenda de roupa de alto standing en Manhattan, a mediados dos 90 do pasado século. É un novo testemuño entre a ducia de mulleres que teñen denunciado abusos pretensamente perpetrados contra elas por Trump antes de o magnate inmobiliario e celebridade televisiva ter posto os pés no Despacho Oval.

 

O presidente dos EUA, Donald Trump, desmentiu que enviase unha mensaxe ao Irán na que presuntamente avisaría do “ataque inminente”a territorio iraniano, mentres o seu homólogo en Teherán, Hasán Rodani, advirte dunha “nova tensión”.

Non é o Trump máis belicoso que caiba imaxinar. É máis ben un Trump que calcula os réditos políticos que pode tirar a un conflito bélico (máis ben poucos) xusto na semana en que anunciou a súa vontade de recuncar na Casa Branca.

Surfeando a onda dunha economía que crece sen interrupción, o ultra, misóxino, xenófobo e negacionista do cambio climático Donald Trump lanzou esta terza feira a súa campaña para nas eleccións de 2020 conseguir o seu segundo mandato presidencial. Fíxoo cun alegato contra a "esquerda radical". O voto do medo será ao que apele o magnate para se manter no despacho oval. Desde 1976 só dous presidentes —o republicano Gerald Ford e o demócrata Jimmy Carter— non foron reelexidos.

Trump entra sempre como elefante en cacharraría. A diplomacia non caracteriza precisamente a súa forma de facer política. O presidente dos EUA visita esta segunda feira o Reino Unido nun momento en que o partido no goberno, o conservador, está sen cabeza, após a demisión en diferido —aínda se mantén á fronte do executivo—de Theresa May. Jeremy Corbyn criticou Trump por se inxerir nos asuntos internos británicos.

O Movemento Galego de Solidariedade con Venezuela publica un manifesto de apoio ao proceso de diálogo que se está levando a cabo en Noruega para defender a paz e o futuro en Venezuela.

"Non me falta valor, non son un covarde nin timorato, senón que actúo por principios: creo na política que, entre outras cousas, se inventou para evitar a confrontación e a guerra", escribiu o presidente de México, Andrés Manuel López Obrador (AMLO) nunha misiva a Donald Trump. Washington anunciou esta quinta feira a imposición de gravames (un arancel de 5 por cento) ás exportacións mexicanas. Os EUA responsabilizan o executivo do país azteca da chegada de inmigrantes irregulares a solo norteamericano.

O presidente dos EUA, Donald Trump, vén de informar da autorización ao Pentágono para enviar máis tropas en Oriente Medio, uns 1.500 efectivos. Trátase dunha nova presión sobre o Irán.

Un proxecto de lei aprobado na Cámara de Representantes de Florida abre a porta a que o profesorado acuda con armas aos centros de ensino.

O plan israelí para asentar a ocupación da meseta siria prodúcese unhas semana após Donald Trump ter recoñecido a soberanía israelita sobre este territorio.

Moita retórica amical e cordial e poucas noces. A segunda cimeira entre Donald Trump e Kim Jong-un acabou esta quinta feira, en Hanoi, sen que os líderes asinasen ningún acordo. A clave, a negativa dos EUA a acceder a que, como pretendía Pyongyang, se levantasen as sancións interpostas por Washington contra Corea do Norte polo seu programa nuclear. "Non achamos que fose boa idea asinar nada", dixo Trump.

77 anos, senador independente por Vermont e declarado socialista, Bernie Sanders confirmou esta terza feira que vai concorrer ás primarias do Partido Demócrata para ser eleito como candidato desa formación nas presidencias de 2020. Sanders xa fora a revelación da campaña de 2016, cando puxo en serios apuros a Hillary Clinton na liza interna para ser o cartaz electoral alternativo ao republicano Donald Trump.

O seu obxectivo explícito é acabar co "socialismo" no continente americano. Tamén nos propios EUA. Nun mitin, Trump enviou un recado aos sectores do Partido Demócrata que nos últimos tempos fan as beira coa etiqueta socialista, na tradición norteamericana vista como un sinónimo de comunista. "América [polos EUA] nunca será un país socialista", dixo.

"Se eu non tivese sido elixido presidente dos EUA, na miña opinión, nestes momentos estariamos nunha guerra de grandes proporcións con Corea do Norte", dixo esta terza feira Donald Trump no seu segundo discurso sobre o estado dos EUA. O mesmo Trump que se presenta como pacificador en Asia nega toda opción a se entrevistar con Nicolás Maduro.