EUA

As escoitas terían sido ofrecidas ao mandatario Lenín Moreno, logo do seu distanciamento con Rafael Correa.

O suroeste dos Estados Unidos supera os 53°C e a China os 52°C, a maior temperatura rexistrada por riba do paralelo 40 norte.

Unhas declaracións racistas da viceprimeira ministra finlandesa e líder da extrema dereita provocan a segunda crise de Goberno en menos dun mes, deixando nun segundo plano a viaxe de Joe Biden ao país, o último membro en adherirse á OTAN.

Dúas crianzas de dous e trece anos atópanse entre as persoas feridas.

A canle de televisión CNN vén de publicar un audio do ex presidente estadounidense Donald Trump no que admite estar en posesión de documentos "altamente clasificados", desmentindo así as súas afirmacións previas de que desclasificara con anterioridade eses arquivos. Na gravación, que Trump cualificou de "ilegal" e afirmou que está "manipulada" no marco dunha "continua caza de bruxas" que percibe contra el, alude a un suposto plan de Washington para invadir o Irán e que compartía con persoas que non podían acceder a eses documentos por estaren clasificados. "Isto gaña totalmente o meu caso, sabes? Agás por que se trata de algo totalmente confidencial", di no audio.

O comandante da Garda Costeira estadounidense, John Mauger, confirmou na tarde desta quinta feira que o submarino turístico Titan, no que viaxaban cinco persoas para visitar os restos do Titanic, sufriu unha "catastrófica implosión" durante a inmersión e parte dos seus cascallos foron xa localizados. As persoas expertas sinalaran a primeira hora da mañá desta quinta —mediodía na Galiza— como o momento no que, segundo os cálculos, estas cinco persoas quedarían sen oxíxeno. O submarino desapareceu o pasado domingo e a marxe de supervivencia era de 96 horas.

Após un mes de tensións e tras sancionar Kosovo por negarse a aplicar as medidas reclamadas para rebaixar a voltaxe das protestas da comunidade serbia, Bruxelas convocou os líderes de Pristina e Belgrado para abordar a cuestión.

Horas despois de facerse pública a declaración de culpabilidade de Hunter Biden por delitos fiscais e de posesión ilegal de armas, o seu pai, Joe Biden, presidente dos Estados Unidos, inicia unha nova crise diplomática coa China, apenas un día máis tarde do acordo Washington-Beijing para estabilizar as relacións bilaterais.

A recepción do mandatario chinés ao titular de Exteriores dos Estados Unidos (EUA) reflicte o primeiro paso dun intento de estabilizar a comunicación entre as dúas potencias tras o incremento da tensión nos últimos meses e das críticas da China ás sancións dos EUA.

O número de 32 billóns de dólares foi alcanzado dúas semanas despois de que o presidente Joe Biden asinase a lei sobre o teito da débeda.

Vanesa Álvarez, deseñadora gráfica, foi a encargada de pintar o mural situado no chan das áreas peonís de Union Square (Nova York), que mide 2.200 metros de longo. Unión co Universo, como se chama o mural, pretende lanzar unha mensaxe ecoloxista a todas as persoas que pasarán por enriba del durante o próximo ano.

A secretaria do Tesouro dos Estados Unidos (EUA), Janet Yellen, afirma que sería "desastroso" para os EUA tentar forzar unha desvinculación coa China. Ademais, un informe do prestixioso Centro de Investigación en Economía e Política referenda a perda de hexemonía do dólar. Os EUA recoñecen que a imposición de sancións está provocando que terceiros Estados prioricen divisas alternativas.

A alianza militar liderada polos Estados Unidos e o propio Goberno de Washington premen para que Estocolmo ingrese.