EUA

Ningún Estado con armamento nuclear nin ningún Estado parte dunha alianza militar con membros posuidores de armamento nuclear, como é a OTAN, apoiaron o Tratado de Prohibición de Armas Nucleares que onte entrou en vigor. A teoría da disuasión e da "destrución mutua asegurada" seguen a primar na seguridade global. 

Beijing non ocultou o alivio tras a saída de Donald Trump da Casa Branca, e acolleu con satisfacción a chegada de Joe Biden. Mais con cautela: se ben haberá entendemento en temas como a loita contra a Covid-19 ou o cambio climático, é previsíbel que o novo presidente estadounidense manteña a liña dura noutros asuntos. 

Por segundo día consecutivo, as forzas de seguridade guatemaltecas usaron paus e gases lacrimóxenos para facer retroceder o grupo, con destino os Estados Unidos.

Nas últimas horas na Casa Branca, agárdase que o presidente saínte decrete a amnistía para até 100 persoas condenadas por delitos federais, unha prerrogativa recollida na Constitución estadounidense que Trump xa usou, con controversia, en anteriores ocasións e agora podería aplicar tamén preventivamente.

Nos estertores do Goberno de Trump, medidas como a inclusión de Cuba entre "os Estados que apoian o terrorismo" colocan o presidente entrante nunha complicada situación. De feito, son decisións que se entenden como partidistas de cara a desgastar de inicio a Biden, tamén a respecto dunha UE nunca tan afastada antes de Washington.

A medida de Washington abre a porta á adopción de máis sancións e dá carpetazo ao aperturismo iniciado na etapa de Barack Obama na Casa Branca.

Donald Trump elude calquera responsabilidade sobre o asalto ao Capitolio e asegura que o novo 'impeachment' é continuación da "maior caza de bruxas política" da historia.

O anuncio faise a poucos días do fin da Administración Trump. Desde a Habana lembran que a illa sufriu numerosos ataques terroristas “patrocinados” polos Estados Unidos e que causaron 3 478 vítimas mortais e 2 099 persoas ficaron con secuelas.

Trump foi o seu modelo durante os últimos anos. Agora, a menos de dez días de que abandone a Casa Branca, a este lado do Atlántico son os seus antigos aliados, os líderes da extrema dereita, quen comezan a abandonalo a el ou, canto menos, a pór distancia tras o impacto na opinión pública europea do asalto ao Capitolio.

O Partido Demócrata presenta a solicitude formal contra o presidente estadounidense co fin de inhabilitalo e impedir que se volva presentar a unhas eleccións.

Segundo sosteñen medios estadounidenses o vicepresidente Mike Pence non descarta invocar a 25ª emenda para destituír Donald Trump en caso de que a conduta do mandatario saínte torne máis inestábel nos días que faltan até a toma de posesión de Joe Biden.

Hai poucos meses, o supremacismo branco foi cualificado como a principal ameaza á seguridade nacional dos EUA. Porén, numerosos grupos planearon e anunciaron nas redes o plan de asaltar o Capitolio sen que as forzas policiais foran quen de evitalo. Os vídeos difundidos tamén cuestionan o papel dalgúns axentes durante os sucesos.

Donald Trump asegura agora que haberá unha transición ordenada para o novo Goberno e condena os asaltantes do Capitolio que el mesmo animou. 
 

A "insurrección" na sede do Parlamento dos EUA, tal e como a cualificou o presidente electo e xa ratificado Biden, xerou unha fenda no Partido Republicano. Algúns dos seus membros queren que Trump sexa inhabilitado antes de ceder o mando, co que ademais impedirían que se puidese presentar nas presidenciais de 2024.

A nova postura de Donald Trump chega xusto despois de que o Congreso certificase a vitoria de Joe Biden,apóse case 4 horas de caos no Capitolio provocado polos seus seguidores.

A sesión retomouse ás 2 da madrugada (hora galega) despois de case 4 horas de caos no Capitolio. A alcaldesa de Washington DC, Muriel Bowser, informou de catro persoas mortas. Congresistas e analistas piden a "inhabilitación" de Trump por alentar un "golpe de estado".

Miles de persoas achegadas ao partido republicano intentan facer boicot á sesión que ratificará a Biden como novo presidente dos EUA. Informacións apuntan a que xa hai, polo menos, unha persoa ferida de bala.

 

A xuíza do caso denegoulle na cuarta feira, 6 de xaneiro, a liberdade condicional ao apreciar que hai un risco real de fuga por parte do fundador de WikiLeaks.

Confirmado xa o triunfo dun dos senadores en xogo polo Estado de Georgia e liderando o reconto no caso do segundo, o Partido Demócrata aloumiña o poder absoluto en Washington co control do Congreso –Cámara de Representantes e Senado–; e tamén da Casa Branca, coa inminente ratificación da vitoria de Biden.