Sanidade

A trazabilidade dos casos confirmados da Covid-19 non está a ser efectiva na Galiza. Así o demostran os datos oficiais e o testemuño de diferentes persoas que baten contra un sistema de rastrexo saturado, con resposta tardía e sen medios para afrontar o aumento da incidencia. A Primaria segue a cargar o peso.

Hai un "evidente problema de persoal" na Atención Primaria na Galiza, recoñece o secretario xeral do PP galego, Miguel Tellado.
 

Ademais das grandes urbes, outras 41 localidades pasan a nivel alto e 12 concellos entran no nivel máximo de restricións

A pesar dos avances na campaña de vacinación, a Covid-19 segue a espallarse por todo o país cunha forza nunca antes vista. Esta "avalancha" de casos, en palabras da experta Margarita Poza, fai preciso actuar con "moita prudencia" e "tomar máis medidas" para frear a transmisión.

O colectivo pretende que "se depuren responsabilidades" polos prexuízos que puidesen "ter as e os colexiados e os pacientes" pola carga asistencial que se soporta actualmente. A parte denunciante asegura que antes de dar o paso ante a Xustiza intentouse unha negociación coas autoridades sanitarias da Galiza.

"Se te empezas atopar mal, chama o teu médico e que el valore se precisas unha PCR. Mentres, permanece illado". Esa foi a resposta que recibiu unha persoa que notificou o seu positivo cun test de antíxenos no seu domicilio. Un caso activo non é considerado como tal até que non é ratificado cunha proba PCR.

A comparecencia terá lugar a terza feira no Parlamento, nun pleno extraordinario con dous asuntos na orde do día: o debate do teito de gasto e a propia participación do conselleiro de Sanidade.

O chamamento parte de persoal de enfermaría, matronas e especialistas en Xinecoloxía e Obstetricia. A evidencia científica, din, confirma que son "seguras e eficaces" ao tempo que advirten dos posíbeis riscos de non se vacinar.

A Confederación Estatal de Sindictos Médicos pide a súa dimisión mentres que desde a plataforma en defensa da sanidade pública instan a Telmo Martín a mellorar as condicións do persoal de atención no PAC de Baltar.

Case o 70% da poboación ten a pauta completa

A partir deste sábado, as sete cidades galegas estarán, xunto con outros 41 municipios, no nivel alto de restricións. Aliás, outros doce ficarán no máximo.

O Sergas presume de ter mellorado os tempos de agarda a respecto do pasado ano, cando se dispararon por mor da pandemia, mais os rexistros nas cirurxías e as probas diagnósticas son aínda superiores ao estabelecido na Lei de garantías de 2014. Aliás, diferentes plataformas advirten que as cifras serían moito maiores.

Acusa a xerencia da área sanitaria de non pór medidas para paliar a situación de "sobrecarga" de traballo. En paralelo, a Xunta e os colexios farmacéuticos do país acordaron que os test de antíxenos que dean negativo e sexan verificados nas oficinas de farmacia terán validez para acceder a bares e negocios de lecer nocturno.

Os datos do Sergas reflicten unha repunta dos contaxios diarios cunha taxa de positividade que se mantén por riba de 10%.

David, de 35 anos, é un dos máis de 15.000 casos activos de Covid-19. Desde o domingo, permanece en corentena na súa vivenda, en Vigo. Narra, para Nós Diario, o “caos” do sistema, pois “non se está a cumprir o protocolo”. “Aquí non chamou rastrexador ningún e sigo a esperar polo resultado da PCR de saliva que fixen na farmacia a pasada segunda feira”, advirte.

A Plataforma pola Defensa do Centro de Saúde de Seixo (Marín) que atende á veciñanza de Ardán, O Campo, Seixo e Santomé, asegura que o conselleiro de Sanidade, Julio García Comesaña, intentou "enganar á opinión pública" coas promesas de continuidade que fixo hai uns días en sede Parlamentar.

A nova onda da pandemia chega no peor momento. A redución dos cadros de persoal e dos medios materiais como consecuencia das decisións do Goberno galego limitan a capacidade de resposta dun sistema sanitario estruturalmente debilitado. A presión concéntrase nesta ocasión nos centros de Atención Primaria.

A ministra de Sanidade, Carolina Darias, afirma que os números entran "dentro da eficacia vacinal, que está en torno ao 90%". Malia afirmar que a nivel do Estado español a transmisión do virus cae, a representante insta a ter "máxima prudencia".