“Hai que ter en conta que o 80% dos médicos son mulleres (...) agora a muller colle unha baixa por maternidade e que pasa durante ese tempo?”. As declaracións do novo presidente do Colexio de Médicos de Pontevedra, o xinecólogo Isidro Lago provocaron protestos nas redes sociais.
Após as declaracións públicas do xefe de cardioloxía do Hospital Clínico Universitario de Santiago (CHUS) asegurando que conseguiron reducir as esperas cunha demora para a primeira consulta de só unha semana, a Asociación de Pacientes desminte tales afirmacións e esixe que a xerencia faga públicas as listas de espera para consultas externas do servizo de cardioloxía deste centro compostelán.
Após os casos de listeriose acontecidos en varios puntos de Andalucía e un caso rexistrado en Estremadura debido ao consumo da carne mechada da empresa La Mechá, o ministerio de Sanidade decretou a alerta sanitaria no Estado e tamén na Galiza.
Cada verán “agrávase a crise da sanidade galega”, denunciou o secretario xeral do PSdeG, Gonzalo Caballero, quen sinalou a Xunta como culpábel desta situación por non cubrir as baixas nin as ferias do persoal sanitario, e puxo como exemplo a precariedade en medicina de familia e pediatría.
Un comunicado do Hospital Povisa sinala que a orde transmitida ao seu cadro de persoal en relación á redución da realización de probas está motivada por “recomendacións médicas”. Retrucou así ao BNG após a organización nacionalista ter denunciado a medida comunicada pola dirección de Povisa ás traballadoras e traballadores.
Un comunicado do Sergas informou que as ausencias e vacacións durante os meses de verán serán cubertas mediante prolongacións de xornada do persoal dos centros e ou a través de intersubstitucións, o que implica que o resto de profesionais asuma provisionalmente a cota de consultas do persoal ausente. Esta medida afecta polo de agora á EOXI de Pontevedra e o Salnés.
Celadoras e celadores da Galiza están a mobilizarse contra a eliminación dos seus postos de traballo por parte do Sergas. Carlos Longueira é un dos traballadores que esta semana acudiu ás mobilizacións que se levaron a cabo en cada unha das áreas sanitarias galegas contra a política da Xunta. Denuncian que o goberno galego está a substituír o posto e categoría do persoal celador polo de PSX (persoal de servizos xerais), de carácter máis administrativo.
CIG denunciou que o hospital privado, no que teñen asignada a súa asistencia sanitaria pública miles de cidadás de Vigo, ten como obxectivo reducir as actuacións en pacientes derivadas do Sergas “que non acheguen ningún valor engadido” para “mellorar o noso tempo de resposta a pacientes privados”. Manuel Moreira, médico de familia e responsábel de CIG-Saúde en Vigo, indica a Sermos Galiza, que este sindicato xa pediu ao Sergas unha investigación sobre este tema.
Denúnciao a CIG, que reclama unha “investigación inmediata e transparente” sobre este hospital de referencia para miles de vigueses e viguesas. A empresa quer "liberar recursos" para prestar unha mellor atención aos "pacientes privados".
O documento, escrito por Enfermeiras Eventuais en Loita, denuncia as malas condicións laborais ás que as profesionais se ven sometidas por parte da Administración.
CIG-Saúde afirma que son 30 camas en total as que se deixarán de empregar no Hospital de Burela nestas semanas.
As e os profesionais convocantes da folga da Atención Primaria valoran como un éxito o seu seguimento e consideran que o paro acadou unha "repercusión masiva" ficando os centros de saúde baleiros nas áreas máis poboadas da Galiza. Desde a Asemblea de Áreas Sanitarias, convocante dos paros, resaltan tamén a grande participación da manifestación celebrada en Compostela.
Facultativos da Mariña levan anos reclamado un Comité de Ética Asistencial (CEA) para a súa área sanitaria. A Consellaría de Sanidade non considera necesario que cada área teña este servizo de resolución de conflitos éticos no ámbito sanitario, e opta por derivar as áreas de Cervo e Monforte ao CEA de Lugo, sobrecargando enormemente este servizo e incumprindo así o regulado no decreto da propia Xunta polo que se crearon os CEA.
O colectivo de traballadoras e traballadores da Atención Primaria Continuada de toda Galiza concentrouse diante do edificio central do Sergas para esixir negociacións ante o conflito laboral e a folga que manteñen desde xaneiro en prol dunha sanidade pública de calidade e contra a precariedade laboral no sector.
“Son varias as sentenzas do Tribunal Superior que testemuñan que o Sergas é un explotador”, afirmou no pleno parlamentario desta cuarta feira o deputado socialista Julio Torrado, quen comparou a dirección da sanidade pública galega con empresas como Glovo ou Deliveroo.
