A Coruña

Felipe Senén, Teresa Ramiro e Moncho do Orzán interveñen no acto que lembra o secretario da Mocidade Galeguista da Coruña, asasinado o 16 de setembro de 1936 polos golpistas.

Participan varias das poñentes convidadas no seu momento pola UDC, entre elas, representantes de OTRAS (Sindicato Organización de Trabajadoras Sexuales) e AFEMTRAS (Agrupación Feminista de Trabajadoras Sexuales).

Un xulgado da Coruña considera que o Concello modificou o acordo orixinal e prometeu pagar os gastos da obra.

Levan o seu caso até un xulgado da Coruña, onde protestaron esta quinta feira. A vista celebrarase o día 26 e as traballadoras reclaman o pago de 2,4 millóns de euros que o empresario se comprometeu a asumir cando adquiriu terreos da antiga GEA en Vigo.  

Traballadoras e traballadores de diferentes contratas do operador R retomaron as protestas diante da ameaza de deslocalización. O conflito chegou esta semana ao Parlamento galego e ao pleno do Concello da Coruña. Polo de agora, a resposta institucional limítase a unha entrevista coa secretaria xeral de Emprego, Covadonga Toca.

Nas primeiras semanas de setembro de 1886, a comarca coruñesa será testemuña dunhas importantes protestas. Esporeada pola forte crise económica e unha política fiscal inxusta a cidadanía tomou as rúas, ergueu barricadas, queimou os símbolos da tiranía, enfrontouse á forza pública e morreu.  Xosé Vidal e Ramón González finaron no marco dunhas protestas que deixaron ducias de feridas.

O persoal da empresa Comfica, subcontrata que realiza servizos de soporte telefónico para R na Coruña, levou a cabo nesta terza 13 de agosto novas accións de protesta para defender o mantemento0 dos postos de traballo na Galiza e para rexeitar a intención da empresa de deslocalizar servizos. Os paros de 24 horas e as mobilizacións manteranse este 14 de agosto e máis nos días 20, 21, 27 e 28.

Unha peza de música tradicional irlandesa a cargo de Ricardo Morente e Serxio Moreira supuxo o punto de inicio da homenaxe a Afonso Mendes Souto, militante independentista e docente de Lingua e Literatura Galegas recentemente falecido.

A cuarta feira, 7 de agosto, ás 15 horas, familiares e amizades homenaxean Afonso Mendes Souto (A Coruña, 1980) no tanatorio Albia da Coruña. Militante independentista, foi docente de Lingua e Literaturas Galegas e autor de diferentes traballos sobre esas materias e sobre a cultura e historia da Galiza.

Tan só unhas pequenas leiras fican sen edificar no barrio da Agra do Orzán da Coruña, unha zona onde viven 30.000 persoas e que se atopa afogada por altos edificios, estreitísimas rúas e cero zonas verdes, sen prazas nin servizos públicos. Desde a asociación veciñal Agra do Orzán reivindican que non se constrúa nestas derradeiras parcelas libres e se reserven para zonas verdes.

As dúas xuízas teñen que “partillar” a única fiscal, o que imposibilita a realización simultánea de xuízos penais e civís e provoca atrasos e demoras, afirma o sindicato, que critica o "desleixo” da administración para dar unha solución.

No día en que se fan 50 anos do nomeamento polo ditador Francisco Franco de Juan Carlos de Borbón como o seu sucesor á fronte da xefatura do Estado, a veciñanza da Coruña saíu á rúa ao berro de Galiza pola República e o dereito a decidir para denunciar a pervivencia do réxime nas estruturas do Estado.

“Galiza pola República e o dereito a decidir” é o lema baixo o que se apresentou a convocatoria de mobilización para o vindeiro 23 de xullo na Coruña impulsada por diversas entidades sociais e políticas do campo do nacionalismo e a esquerda. A data coincide co cincuenta aniversario da designación polo ditador Franco de Juan Carlos de Borbón como o seu sucesor na xefatura do Estado.

A Coruña acolleu a tradicional homenaxe e ofrenda floral a Curros Enríquez que o BNG e Galiza Nova organizan desde hai 25 anos nos xardíns de Méndez Núñez, ao pé do monumento á súa memoria. Como todos os anos, o acto realízase nas xornadas previas ao Día da Patria Galega para popularizar esta data e a manifestación nacional que o Bloque convoca o 25 de xullo en Compostela.

O portavoz municipal do BNG na Coruña, Francisco Jorquera, anunciou que instará no vindeiro pleno o goberno municipal da cidade a emprender accións legais para recuperar a Casa Cornide para a titularidade pública, xa que foi “por medios fraudulentos” agasallado a Franco. A propiedade deste singular edificio segue en mans da familia do ditador.

A alcaldesa da Coruña Inés Rey asinou un acordo programático coa Marea Atlántica, aínda que esta non entrará no goberno municipal, ao igual que aconteceu nas pasadas semanas co BNG. Tanto o PSdeG como a Marea deixaron as portas abertas a que durante os catro anos de mandato a situación poida mudar.

Un mozo de 25 anos resultou ferido por arma branca na mañá deste luns na Coruña. A vítima atópase ingresada no Hospital da Coruña (Chuac) e o agresor foi detido. Asociacións de dereitos LGTBI denunciaron nun primeiro intre o suceso como unha agresión homófoba e chamaron a se concentrar en repulsa, mais poucas horas despois cancelaron a convocatoria á espera de que "se aclaren os feitos".