A alcaldesa da Coruña, Inés Rei, asinou con Francisco Jorquera, portavoz do BNG no concello, un documento que constitúe un acordo de investidura e un marco de colaboración estábel entre ambas forzas para o mandato 2019-2023.
O 30 e 31 de maio de 1901 a Garda Civil abría fogo nas rúas da Coruña contra as persoas que participaban nunha xornada de folga xeral. Ao longo dos dous días foron asasinados en diversos puntos da cidade sete homes e mulleres e pasaron pola cadea máis de 150. Os sucesos do maio sanguento de 1901 exemplifican o camiño das maiorías sociais para conquistar os seus dereitos. Eis un extracto da información publicada ao respecto no número 348 do semanario en papel Sermos Galiza.
Inés Rey, candidata do PSOE, será a próxima alcaldesa da Coruña. Logra nove actas e fica a apenas 300 votos do PP. A Marea Atlántica de Xulio Ferreiro retrocede das dez que lle deran o bastón de mando en 2015 a seis. O BNG sobe de un a dous edís e Ciudadanos estréase en María Pita cunha acta.
Luís Villares reivindica na Coruña “o modelo de cidade aberta ao mar da Marea Atlántica” de Xulio Ferreiro e denuncia que o PSOE non teña condonado a débeda do porto exterior do mesmo xeito que si ten feito con outras cidades do Estado.
A ordenanza municipal da Coruña para a igualdade na diversidade impulsada pola Marea Atlántica contou co apoio unánime dos grupos políticos no pleno. Con ela procúrase elevar a igualdade como un compromiso principal do concello, agora e no futuro, goberne quen goberne.
Inés Rey é a candidata do PSOE á Alcaldía da Coruña. Licenciada en Dereito pola UDC, exerce como avogada desde os 24 anos e desde os 18 milita nas filas do partido socialista. Nesta entrevista, que responde vía correo electrónico, explica por que, ao seu ver, A Coruña precisa un cambio de rumo e as principais medidas que adoptará se obtén o bastón de mando.
Cheikh Fayé é veciño da Coruña e naceu na comunidade rural de Gade Escale, no Senegal. En 2017 publicou da man da AS-PG o seu primeiro ensaio, Ser Modou Moudou, co que se converteu no primeiro escritor senegalés en lingua galega. Traballou como profesor de Xeografía e Historia en Dakar e en 2003 chegou á Coruña. É autor do blog Senegaliza e é unha das sinaturas habituais nas columnas de opinión de Sermos Galiza.
Francisco Jorquera encabeza a candidatura do BNG á Alcaldía da Coruña, cidade na que “botou raíces” desde mozo. Estudou Historia na USC, onde foi dirixente de ERGA e dos CAF. Desenvolveu distintas responsabilidades no BNG, ao que pertence desde a súa fundación. Foi ademais deputado nas Cortes Xerais e no Parlamento Galego.
A chegada do actual alcalde da Coruña a María Pita mudou o tradicional mapa de reparto de actas na Galiza. Xulio Ferreiro á fronte da Marea Atlántica obtivo 10 actas e o bastón de mando da cidade. En poucos días Ferreiro afronta o reto da reelección nun concello onde todo apunta a que o vindeiro goberno será plural e asentado en pactos entre distintas forzas. Ferreiro coñece ben a cidade. Naceu no barrio dos Mallos, estudou no Instituto Rafael Puga Ramón e actualmente vive na Gaiteira. É profesor titular de Dereito e maxistrado suplente da Audiencia Provincial de Lugo, ademais de socio e seareiro do Dépor. Responde por correo electrónico o cuestionario para Sermos Galiza.
O cinema é un material funxíbel. Non por acaso, a maior parte do filmado no primitivo período mudo perdeuse. Cando o obxecto é o cinema experimental, sempre á marxe da industria, as posibilidades de supervivencia redúcense. Sobre esta circunstancia porá o foco a décima edición do Festival S8, na Coruña do 31 de maio ao 9 de xuño
O pleno da Coruña aprobou a moción presentada polo BNG pola que se insta á retirada do título de Fillo Adoptivo a Manuel Fraga Iribarne e a Laureano López Rodó. Só contou coa oposición do PP e trátase da segunda moción que triunfa após facelo en Ferrol.
O festival RESIS é o radar coruñés das músicas contemporáneas. A súa segunda edición, que comeza este 3 de maio e esténdese ate o 1 de xuño, reúne concertos, intervencións artísticas, e proxeccións en localizacións singulares da cidade.
Abascal na Coruña advirte que España non se discute, senón que se defende até as últimas consecuencias fronte calquera intento independentista. Ás portas do mitin concentrouse máis dun cento de mozas e mozos con bandeiras de Galiza e lemas antifascistas e feministas.
O candidato Néstor Rego anunciou que esixirá no Congreso a devolución dos terreos portuarios á cidade da Coruña e que o Estado financie o 100% de Punta Langosteira.
Miguel Lorenzo é candidato do Partido Popular ao Senado pola circunscrición da Coruña. É avogado e profesor universitario, e xa fora deputado na XI e XII lexislaturas.
Néstor Rego encabeza a candidatura do Bloque pola Coruña para o Congreso. Profesor de lingua galega e literatura, naceu no Vicedo en 1962 e participa do nacionalismo desde 1977, cando comezou o seu activismo en ERGA. Participou tamén da fundación dos CAF e do propio BNG, e foi tenente de alcalde e concelleiro de Cultura de Santiago (1995-2008). É portavoz dos 19 de Meirás, denunciados pola familia Franco por protestar contra o espolio do pazo.
Baixo o lema “Galicia pinta no estado”, Compromiso por Galicia concorre ás eleccións xerais con Xoán Manuel Bastida como número un ao Congreso pola Coruña. Médico de profesión, é concelleiro de goberno en Fene desde a controvertida moción de censura impulsada polo PP nesta localidade.
Ana Seixas lidera a candidatura de En Marea ao Congreso, pola circunscrición da Coruña. É licenciada en Ciencias Políticas e especialista en estudos de opinión e mercado. Desenvolveu o seu labor profesional en consultoría política e social como investigadora sobre comportamento político electoral en Galiza. Coas mareas municipalistas implicouse na formación local Ames Novo e, actualmente, é vice voceira de En Marea.
Pilar Cancela Rodríguez é a cabeza de lista do PSOE ás eleccións xerais pola Coruña. Nada en Stuttgart en 1967, de nai e pai emigrantes, viviu de pequena entre Alemaña e Venezuela. Estudou Dereito na USC e é funcionara de carreira no corpo superior da administración galega. Nesta lexislatura foi electa deputada no Congreso e integra a comisión executiva federal do PSOE.
