As mocidades do PP aproveitan a súa conta do Twitter para sinalar que as declaracións feitas polo seu secretario xeral, o deputado galego Javier Dorado, corresponden "a un afiliado e non á posición de NNGG" e acrecentan que na organización conservadora "defendemos o dereito á vida como fixemos sempre".
O presidente da Xunta de Galiza amosouse favorábel a procurar "maior consenso" na tramitación parlamentar da reforma da lei do aborto da que dixo após o Consello da Xunta, "ben paga a pena mellorala".
O ministro de Xustiza español concede senllas entrevistas aos diarios conservadores ABC e La Razón nas que defende o anteproxecto de lei para a re-penalización do aborto como unha medida "xusta, humanista" e "progresista".
Líderes xuvenís como o presidente de Novas Xeracións, Javier Dorado, a delegada do Goberno español en Madrid, Cristina Cifuentes ou a ex-ministra de Sanidade con Aznar, Celia Villalobos, amosan un sutil desacordo coa reforma aprobada polo Consello de Ministr@s.
A Plataforma Galega polo dereito ao aborto non parará para conseguir que o anteproxecto de lei presentado polo ministro Gallardón non sexa definitivamente aprobado. Inicia distintas mobilizacións que terán o punto forte nunha manifestación central en marzo en Compostela.
Todas as organizacións políticas coinciden á hora de criticar a contrarreforma á lei do aborto presentada polo ministro Gallardón que foi aprobada no consello de ministros desta sexta feira. Despois de que o feminismo saíra á rúa nesa mesma noite, as organizacións políticas manifestaron o seu rexeitamento ao recorte de dereitos das mulleres.
A "lei de protección da vida do concibido e dos dereitos da muller embarazada" do PP confirma o retroceso dos dereitos das mulleres ao prohibir e penalizar o aborto excepto nos supostos de violación e grave perigo para a vida da muller. O ministro Ruíz Gallardón presentou o anteproxecto aprobado no Consello de Ministros.
O feminismo está alerta. Diante da aprobación no Consello de Ministros da nova Lei do Aborto coa que Gallardón fará retroceder o dereito das mulleres a decidir sobre o seu corpo, o movemento feminista está a organizar concentracións para esta sexta feira.
Os votos do Partido Popular Europeo e de Reformistas e Conservadores Europeos tumbaron a resolución da deputada portuguesa Edite Estrela en que reclamaba garantías sanitarias para as grávidas e garantías legais para @s médic@s que practiquen a interrupción do embarazo.
A Plataforma polo dereito ao aborto e a Plataforma galega en defensa dos servizos públicos concentráronse na Coruña, onde o vicepresidente da Xunta --Alfonso Rueda-- e o delegado do Goberno español na Galiza --Samuel Juárez-- inauguraban o ano xudicial do TSXG. Tamén estaba Velaluz, que cumpre dez días en folga de fame.
As tres membros de Femen irromperon intanxíbeis, con todo o seu ardor de mocidade e opulencia de liberdade, no sacrosanto Parlamento español. Inaudito. A maioría das súas señorías quixeron ver neses xestos nítidos unha representación diabólica, desas que o propio S. Miguel o espadachín non pode despezar nin o hisopo de Rouco Varela exorcizar.
Así o dispón a proposición que UPN presentou no Congreso para que sexa incluída na contrarreforma que prepara o ministerio de Xustiza para mudar a norma aprobada en 2010. A formación ultraconservadora vende a súa iniciativa coma "un dereito" das grávidas, malia estabelecela como condición para poder dedicir.
Cadrando co Día internacional pola despenalización da IVE, a Plataforma galega polo dereito ao aborto convoca máis unha mobilización en Compostela que arrincará ás 17.30h do sábado desde a estación de comboios e rematará na Praza Roxa.
As plataformas polo Aborto e Queremos Galego veñen de recibir denuncias policiais polas que poden ser sancionadas con multas por destrozos nas manifestacións do 16 de xuño polo aborto e do 17 de maio pola lingua. As organizacións falan de “criminalización” das súas accións de protesta.
As plataformas pola defensa do aborto e Queremos Galego veñen de recibir denuncias policiais polas que poden ser sancionadas con multas de até 6.000 euros. As forzas policiais atribúenlles "destrozos" en senllas manifestacións transcorridas o 16 de xuño e o 17 de maio. As organizacións falan de “criminalización” das súas accións de protesta
Con este anuncio, o Goberno español pechou neste último Consello de ministros unha tripla ofensiva contra o dereito a autodeterminación das mulleres sobre os seus corpos ao anunciar tamén que imporá a custodia compartida e que as nais que desexen ter crianzas en solitario e as lesbianas fican excluídas dos tratamentos de fertilidade na pública
A catedral de Santiago rodeada de feministas. A imaxe é metáfora da reivindicación que levou a milleiros de persoas a se manifestar en Compostela para esixir o aborto libre e gratuíto e mostrar a oposición á reforma do PP con Gallardón á fronte.
Ás 17 h, este domingo, desde a estación dos camiños de ferro de Compostela. Esa é á cita á que convida a Plataforma Galega polo Dereito ao Aborto, composta por máis de cincuenta entidades. Contra a contrarreforma de Gallardón e polos dereitos das mulleres a decidiren sobre os seus corpos.
