Atención Primaria

O BNG aposta por activar integramente a carteira de servizos para aliviar o persoal médico de familia e resolver o colapso das listas de agarda. Demandan ademais un plan de recursos humanos e recalcan que si hai alternativas fronte á non substitución de profesionais ou aos fechamentos de centros de saúde polas tardes

A veciñanza do Rosal denuncia o desmantelamento da sanidade pública no seu concello, con carencias de persoal en Pediatría e demora superior a dúas semanas para ter cita en Atención Primaria.

A Plataforma pola Defensa do Centro de Saúde de Seixo, no concello de Marín, agrupa a máis de 15 colectivos de varias parroquias que van saír á rúa para protestar polos recortes na sanidade pública, especialmente no ámbito da Atención Primaria.

O presidente da Xunta da Galiza, Alberto Núñez Feixoo, tamén aproveitou a súa visita ao novo ambulatorio de Melide para incidir en que é preciso un "novo modelo pospandemia" neste servizo máis próximo á cidadanía.

Unha denuncia cidadá afirma que desde principios de ano están cun só médico, cuxo traballo se complementa de maneira puntual polas visitas doutro doutor. Porén, están recollendo sinaturas para conseguir unha segunda praza fixa.

O alto grao de sobrecarga laboral en moitos centros de saúde da Galiza non permite pasar tanto tempo con cada doente, ou implica ampliar a xornada fóra do horario real, polo que as e os médicos de cabeceira tamén solicitan ver só 30 doentes cada día.

Os Colexios Profesionais de Enfermaría da Galiza, así como agrupacións sanitarias, suman forzas para protestar contra a actitude da Xunta. Aseguran sentir gran "malestar" porque non se lles dera voz para analizar o estado deste servizo esencial da sanidade galega e da súa reestruturación.

O xerente do Servizo Galego de Saúde, José Manuel Flores, asegurou que o regreso "sen máis" da presencialidade "ao cento por cento" na atención primaria suporía "empobrecer a capacidade" do primeiro escalafón do sistema sanitario galego "e desandar o camiño" emprendido para "fortalecer" este nivel asistencial.

Profesionais dos servizos de Urxencias e Emerxencias concéntranse no mediodía desta quinta feira fronte aos centros sanitarios de todo o país para reclamar o recoñecemento desta especialidade. Salientan a importancia de contar cunha "formación regulada e homologada" para "mellorar a atención ás persoas doentes" nun servizo que, por mor da falta de medios e a escasa presencialidade na Atención Primaria, está a padecer unha considerábel sobrecarga de traballo.

As e os profesionais agrupados na Asociación Galega de Enfermaría Familiar e Comunitaria (Agefec) consideran “inaceptábel” que vaian ser as e os médicos os que “planifiquen” o seu traballo e competencias nos centros de saúde. Consideran que deben estar de forma directa na toma de decisións.

Gonzalo Caballero, secretario xeral do PSdeG, acusa a Alberto Núñez Feixoo de depositar o futuro da sanidade pública nun centro de chamadas pola última proposta de xestión da Atención Primaria do Goberno galego.

As e os facultativos consideran que o Sergas debe traballar na reorganización da atención de maneira que dispoñan de “axendas ben feitas e xestionadas” para non estar desbordados. Neste sentido, tamén exixen que as baixas -polo motivo que sexa- “se cubran” para evitar ter doentes derivados doutras compañeiras.

O colectivo médico de Atención Primaria, incómodo coa proposta do Sergas de ligar o plus de produtividade que cobra a un incremento das consultas presenciais de até 60%, volve aproveitar o envite da Administración para sinalar as debilidades reais da sanidade pública.

As enfermidades mentais aumentaron durante a pandemia. Mentres psiquiatras e psicólogos advirten dun importante aumento das patoloxías, concentradas de maneira particular nas e nos adolescentes, na liña do sinalado polos informes Organización Mundial da Saúde (OMS) para os Estados occidentais, os profesionais de Atención Primaria denuncian un aumento da carga de traballo relacionada con este tipo de doenzas, que con anterioridade ao coronavirus xa representaban un terzo das súas consultas ordinarias.

Triplícanse no Estado as queixas a causa da xestión sanitaria

O investimento que dedica a Xunta da Galiza á Atención Primaria sitúase en 182,3 euros por habitante. No conxunto do Estado, o diñeiro destinado a sufragar os servizos sanitarios non hospitalarios e especializados representa o 14,2% do gasto total en saúde, mentres que na Galiza esa cifra colócase en 11,9%. O Goberno galego só supera na dedicación de fondos en Atención Primaria o Executivo madrileño e o das Illes Balears, ficando moi lonxe dos territorios de cabeza, como Estremadura ou Castela-A Mancha.