Castelao

O novo número de Sermos Galiza, semanario que se publica os sábados canda Nós Diario, inclúe unha reportaxe sobre a viaxe de Castelao a Bretaña. “ Nacións irmás na cousificación, en cambio, cobran vida, mesmo as pedras, para quen soubo escrutalas”.

Durante a homenaxe que o Bloque Nacionalista Galego tributa a Castelao en Rianxo, a candidata á presidencia da Xunta afirmou que Feixoo "mantén unha postura vitimista, como alma en pena, laiándose continuamente".

Con motivo do aniversario do pasamento de Alfonso Daniel Rodríguez Castelao, o proxecto conxunto Os Tres Pés presenta un adianto do seu futuro traballo, versionando "Compañeiro Daniel".

O presidente da Fundación Castelao reflexiona para Nós Diario sobre a figura do nacionalista no 70 aniversario do seu pasamento.

O vicepresidente da Fundación Castelao e doutor en Historia da Arte Moderna impartirá unha conferencia o martes 12 ás 20 horas no marco dos actos polo Día das Letras Galegas 2019.

Unha caricatura permite coñecer a figura do que foi o primeiro xogador profesional do balompé galego, aló polos anos 20. Fariña era un deportista que ao saír dos campos de fútbol frecuentaba círculos sociais cheos de artistas e intelectuais, algo moi pouco común daquela, e que chamou a atención de Castelao, que dedicou os seus trazos a un home que sempre levaba a boina ben encaixada na testa.

Centos de mozas e mozos acudiron aos actos que Galiza Nova organizou este 24 de xullo en Compostela. Na anual homenaxe a Rosalía e Castelao e na posterior ruada da mocidade pola Independencia a organización xuvenil nacionalista animou a xuventude a implicarse politicamente para deixar atrás a precariedade e a dependencia e erguer unha Galiza con futuro.

Como cada véspera do Día da Patria Galega terá lugar no parque de Bonaval e máis no interior do Panteón de Galegos Ilustres a homenaxe a Rosalía de Castro e Daniel Castelao que Galiza Nova organiza. Ana Pontón, Claudia Quintela e Navia Rivas intervirán nun acto conducido polos youtubeiros Brais Doval e Miguel Silva. Tamén estará o grupo de rock en galego The Lelli Kellys.

Como cada sábado previo ao Día da Patria Galega celebrarase a subida ao Pico Sagro, revivindo o ascenso que Castelao realizou en 1924 xunto outros membros das Irmandades da Fala para coñecer os mitos e toda a historia que este cumio alberga desde tempos inmemorábeis. Após o ascenso realizarase un xantar e visitaranse distintos puntos de Vila de Cruces. A benvida recae este ano na escritora Marta Dacosta cun texto inédito da súa autoría composto para inaugurar esta xornada.

As Medallas Castelao que cada ano entrega a Xunta de Galiza recoñeceron a traxectoria das mulleres galegas Marisa Crespo, cardióloga; a piragüísta Teresa Portela, a actriz de 'O que Arde' Benedicta Sánchez, a delegada de Stop Accidentes na Galiza, Jeanne Picard, e o colectivo de redeiras galegas, en cuxo nome recolleu o galardón a presidenta da Federación de Redeiras  Artesás 'O Peirao', Verónica Veres.

O 28 de xuño de 1984 os restos de Daniel Castelao chegaban a Santiago de Compostela no marco dunha operación política dirixida a lexitimar o réxime autonómico. Mentres o cadaleito do intelectual era conducido a San Domingos de Bonaval custodiado polos herdeiros políticos dos seus represores, os continuadores do seu proxecto político eran golpeados polas forzas da orde no entorno do mosteiro exclaustrado. A batalla evitou finalmente a manipulación do pensamento e da obra do galego máis senlleiro de todo o século XX.

O ensaio político de referencia do nacionalismo do século XX fai 75 anos. E é que o 10 de marzo de 1944 saía do prelo en Bos Aires Sempre en Galiza, de Castelao.